Veshjet e dimrit rrisin eksportet e fasonerive! Italia në vend të parë për tregtinë e tekstileve dhe këpucëve

Që prej muajit mars dhe izolimit të vendit, gushti ka dhënë një sinjal pozitiv për ecurinë e biznesit fason. Referuar të dhënave për Tregtinë e jashtme e mallrave thuhet se eksportet e tekstileve dhe këpucëve u rritën me 5.2% në muajin gusht.

Konkretisht në muajin e kaluar vendi ka eksportuar 7.5 miliardë lekë tekstile dhe këpucë duke pësuar një rritje prej 1 miliardë krahasuar me gushtin e vitit 2019. Nga ana tjetër rritja e importeve ka qenë minimaliste duke treguar edhe një herë dëmtimin e sipërmarrjeve të huaja të këtij sektori, dhe për pasojë më pak kontrata për bizneset në vend.

Vetë biznesi fason këtë përmirësim e lidh me mbylljen e kontratave dhe të porosive për sezonin e dimrit 2020, dhe me prodhimin e veshjeve spitalore.

“Kjo rritje me rreth 5% e sektorit tone është e papërfillshme dhe rezultat i porosive apo fundi i prodhimit të koleksionit Dimër 2020.  Gjithashtu kjo rritje u ndikua edhe fal kërkesave nga jashtë për prodhim materialesh 1 përdorimshe dhe spitalore dhe ndoshta mundësitë tona për prodhimin e këtyre materialeve mund të ishin më të mëdha në rast se sektori do kishte ndihmën e Qeverise në likuiditet për diversifikimin e makinerive që shoqërohet me shtim eksporte/faturim dhe hapjen e vendeve të reja pune”, thuhet në sqarimin që Shoqata Pro Eksport Albania jep për Report TV.

Rikthimi përsëri i biznesit fason në trajektore pozitive mbetet i vështirë.  Në tetë muaj eksportet e këtyre produkteve janë tkurrur me 14.7 miliardë lekë, ndërsa importet me rreth 11 miliardë lekë, krahasuar me të ardhurat e një viti më parë.

Italia është shteti që ka pasur peshën më të madhe në tregtinë e tekstile dhe këpucë dhe në 2020, ku drejt saj janë eksportuar 49.1 miliardë lekë dhe janë importuar vetëm 20.2 miliardë lekë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

I riu nga Kosova arrestohet në Tiranë, dyshohet se kreu marrëdhënie seksuale me një të mitur! I shpërndau videon në rrjete sociale

I riu nga Kosova arrestohet në Tiranë, dyshohet se kreu marrëdhënie seksuale me një të mitur! I shpërndau videon në rrjete sociale