VIDEO/ Milan harron të fitojë, Udinese i shënon 3 gola! Ibrahimovic gjen golin dhe vendos rekord në Itali

Udinese fitoi 3-1 me Milanin për javën e 27-të në Serie A. Në stadiumin "Dacia Arena", vendasit i kanë dhënë leksion kampionëve në fuqi të Italisë, duke bërë që kuqezinjtë të kenë tre ndeshje pa pikë të plota në kampionat.

Ndeshja nisi mirë për vendasit, me Pereyra që shënoi në minutën e nëntë. Në fundin e pjesës së parë të sfidës u prodhuan shumë ndodhi, teksa në 45+2 trajneri i Udines, Andra Sottil doli nga loja me karton të kuq. Ibrahimovic shënoi një minutë më vonë me penallti për rezultatin 1-1, ndërsa suedezi bëhet lojtari me moshën më të madhe që shënon në Serie A. Në të 45+5 minutë ishte Beto që kaloi sërish në avantazh Udinesen.

Në pjesën e dytë në minutën e 70-të Ehizibue shënoi golin e tretë për Udinesen. Milan me 48 pikë mban vendin e katërt, teksa Udinese me 38 pikë ngjitet në vendin e tetë.

Rekordi i Ibrahimovic/ Sulmuesi suedez realizoi me 11-metërsh në minutën 45+3 dhe bëhet kështu lojtari më i vjetër që ka shënuar një gol në Serie A. Në moshën 41-vjeçare e 166 ditë, Zlatan Ibrahimovic ka thyer rekordin që më parë mbahej nga një tjetër legjendë e Milanit, Alessandro Costacurta.

Ky i fundit e mbante këtë rekord pasi kishte realizuar në moshën 41vjeç e 25 ditë. Pesë lojtarët më të vjetër që kanë realizuar në Serie A janë gjithashtu edhe Piola (40 vjeç e 131 ditë), Vierchouod (40 vjeç e 47 ditë) dhe Francesco Totti (39 vjeç 364 ditë).