VIDEO/ Partizani, Tirana dhe Laçi bëjnë detyrën, Kukësi 'shuplakë' Apolonisë! 6 skuadrat e kualifikuara në Kupën e Shqipërisë! Çiftet çerekfinaliste

Kompeticioni i Kupës së Shqipërisë ka zhvilluar gjashtë nga tetë ndeshjet e kthimit për fazën çerekfinale. Në përballjet e dyta, Kukësi, Tirana, Partizani dhe Laçi kanë bërë detyrën, duke fituar ndeshjet respektive. Më tej kalojnë edhe Egnatia dhe Kastrioti, me skuadrat e Kategorisë së Parë që nuk kanë qenë në nivelin e duhur për të konkurruar ato elitare.

Në "Selman Stërmasi", Tirana fitoi 1-0 me Lushnjën falë golit të Regi Lushkjas në minutën e 59. Në "Kompleksin Partizani", vendasit fituan 3-0 me Korabin. Golat për Partizanin u shënuan nga Sota, da Silva dhe Hoti. Kukësi fitoi pa vështirësi 5-0 me Apoloninë falë golave të Peposhit, Barbosës, Berishës dhe dopietës së Domit.

Në Laç, vendasit mundën 2-1 Tomorin falë golave të Bibës dhe Mytos. Egnatia barazoi 1-1 me Skënderbeun, me rrogozhinasit që kalojnë më tej falë fitores 0-1 në ndeshjen e parë. Kastrioti barazoi 0-0 me Dinamon, me krutanët që kualifikohen për më tej falë fitores 3-1 në ndeshjen e parë. Nesër luhen dy duelet e mbetura, Vllaznia - Bylis dhe Teuta - Erzeni.

Në fazën çerekfinale, Tirana luan me Kastriotin, Laçi me Egnatian, teksa Partizani me fituesin e çiftit Vllaznia - Bylis. Kukësi pret fituesin e Teuta - Erzeni për të mësuar kundërshtarin.

Ndeshjet e Kupës së Shqipërisë, rezultatet:

E enjte, 13:00

Egnatia 1-1 Skënderbeu (1-0)

Kastrioti 0-0 Dinamo (3-1)

Tirana 1-0 Lushnja (3-0)

Kukësi 5-0 Apolonia (0-0)

Laçi 2-1 Tomori (3-1)

Partizani 3-0 Korabi (3-1)

E premte, 13:00

Vllaznia - Bylis (2-0)

Teuta - Erzeni (1-1)

*në kllapa () rezultatet e ndeshjeve të para.

Çerekfinalet

Tirana-Kastrioti

Partizani- Fituesi i përballjes Vllaznia-Bylis

Laçi-Egnatia

Kukësi- Fituesi i përballjes Teuta-Erzeni

Rendit zhvillimet sipas orarit:
Ora 15:51
Egnatia me ambicie të mëdha, trajneri Tetova: Bëmë gabime në Kupë, 'luftojmë' në dy fronte

Egnatia barazoi sot 1-1 me Skënderbeun në ndeshjen e kthimit të fazës çerekfinale të Kupës së Shqipërisë, teksa kalon më tej pas fitores 0-1 në Korçë. Pas ndeshjes trajneri Edlir Tetova i rrogozhinasve tha për Oversport se ekipi i tij do luftojë në të dyja frontet.

"Ndeshja ishte me dy tablo. Nuk kemi bërë mirë në pjesën e parë. Kjo ishte edhe falë kualitetit që kanë në mesfushë, por pjesën e dytë ndryshuar diçka dhe ndryshuam skemën. Ne bëjmë disa gabime dhe humbëm shumë topa sidomos në mesfushë. Në pjesën e parë pothuajse çdo top ishte i humbur po këtu ndikon edhe lodhja", tha fillimisht Tetova.

Më pas trajneri foli edhe për objektivat e skuadrës që ai drejton si edhe kontigjentin e futbollistëve për një rrotacion të mundshëm.

"Ne do të luftojmë në të dyja frontet. Shpresojmë të shkojmë sa më larg me kupën. Mundësia është. Kontigjenti? Po e kemi kontingjentin, kemi 20 lojtarë në dispozicion. Megjithatë, kërkojmë më shumë impenjim nga lojtarët që ishin sot në pjesën e parë sidomos", tha Edlir Tetova.

Ora 15:25
VIDEO/ Skënderbeu s'bën dot surprizën, një supergol nga 30 metra nderon Egnatian në Kupë

Egnatia dhe Skënderbeu barazuan 1-1 në ndeshjen e kthimit për fazën e 1/8 në Kupën e Shqipërisë. Korçarët mund të ishin surpriza e kësaj faze, teksa kaluan të parët në avantazh me autogolin e Agbekpornu në minutën e 45+4. Në pjesën e dytë, në të 56 minutë supergoli i Fernandos nga afro 30 metra vendosi ndeshjen në 1-1. Falë fitores 1-0 të Egnatias në ndeshjen e parë, rrogozhinasit kalojnë më tej dhe gjejnë në çerekfinale Laçin.

Ora 14:59
VIDEO/ Partizani shumë i fortë për Korabin, 3 gola në kompleksin e kuq për Kupë

Partizani fitoi 3-0 me Korabin në ndeshjen e kthimit në fazën çerekfinale të Kupës së Shqipërisë. "Demat" nuk e vendosën asnjëherë në diskutim fitoren teksa shënuan dy herë në pjesën e parë me Sotën dhe Da Silvën. Në pjesën e dytë Hoti dërgoi shifrat në 3-0 për rezultatin e përgjithshëm 6-1. Partizani në fazën çerekfinale do përballet me fituesin e çiftit Vllaznia - Bylis.

S.DH/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Plazhi ‘Pasqyrat’ në Ksamil ka ujin më blu në botë, lë pas edhe Greqinë!

Plazhi ‘Pasqyrat’ në Ksamil ka ujin më blu në botë, lë pas edhe Greqinë!