Video/Sot buzëqeshën për koalicionin pazgjedhor, por para pak kohe Basha betohej: S’bëj pazar dhe s’do bashkëqeveris kurrë me LSI-në

Paqëndrueshmëritë e deklaratave të Lulzim Bashës janë të dukshme dhe kjo nuk ka nevojë të kalojë shumë kohë për t’u kuptuar. Ndërsa sot u shfaq i buzëqeshur dhe plot shpresë për të ardhmen se PD së bashku me LSI do të arrijnë të nxjerrin vendin nga bataku që e ka futur Rama dhe do të risjellin shpresën në vend, jo shumë larg por vetëm 4 vite më parë Basha përbetohej se nuk do të bënte kurrë pazare dhe nuk do të bashkëqeveriste me LSI. Ndërsa sot bëjnë kalkulime për kandidatë të përbashkët me justifikimin e maksimizimit të votës.

Në qershor të 2017, një ndër premtimet më të bujshme të kreut të PD ka qenë refuzimi i çdo mundësie bashkëqeverisje me LSI, pasi sipas tij, është një parti klienteliste dhe se mes PD dhe LSI nuk ka asgjë të përbashkët. 4 vite më parë Basha shprehjet se LSI lëviz nga fryn era dhe ngjitet pas partive të mëdha vetëm për vende pune.

"LSI është bërë simbol i këtij modeli, një parti që shkon nga fryn era vetëm për të kapur vende pune, vetëm për të kapur tendera dhe koncesione, ka ndërtuar modelin e një partie klienteliste, pa axhendë, pa program që ngjitet pas çdo koalicioni vetëm për të kapur vende pune kurrë më mos lëntë demokratët në dyshim që unë si kryetar i partisë mund të bëjë një pazar", thotë Basha.

LEXO EDHE:
E rruajnë, e rruajnë!

Fakti që Basha është i paqëndrueshëm me deklarata e tij duke e bërë të pabesueshëm e kanë vënë re dhe demokratë, por duhet të presim për të parë reagimin e tyre në zgjedhjet e 25 prillit, nëse ata do të mund ta ‘kapërdijnë’ këtë bashkim të PD-LSI.

/b.ha./Shqiptarja.com

TAG:
• LSI
• lulzim basha
• PD
• monika kryemadhi
• zgjedhjet parlamentare 2021