Vidhte orenditë nga banesat e dëmtuara nga tërmeti, arrestohet 35-vjeçari në Durrës

Vidhte orenditë nga banesat e dëmtuara nga tërmeti, arrestohet 35-vjeçari në Durrës

Braktisja e banesave dhe pallateve të dëmtuara nga tërmeti 'ranë pre' e vjedhjeve në qytetin e Durrësit , një shqetësim i ngritur më herët dhe nga vetë banorët që u detyruan të largoheshin prej tyre.

Në kuadër të zbulimit të vjedhjes së tyre, policia e Durrësit ka arrestuar një 35-vjeçar, i cili akuzohet për të paktën 7 vjedhje të kryera, kryesisht sende dhe orendi të ndryshme në banesat e dëmtuara nga tërmeti.

Gjatë operacionit të koduar 'Pallati', ka përfunduar në pranga Xh. K., 35 vjeç, banues në Durrës, i dënuar më parë për veprën penale "Vjedhja".

Nga hetimet e kryera rezulton se ky shtetas, gjatë muajve të fundit, ka kryer disa vjedhje në Durrësit, duke u futur në banesat e dëmtuara nga tërmeti, konkretisht:

- Më datë 16.04.2020, në lagjen nr. 17, Durrës, dyshohet ka vjedhur në një pallat, 10 matës uji.

- Më datë 29.04.2020, dyshohet se ka vjedhur në banesën e shtetasit N. K., matësin e energjisë elektrike.

- Më datë 29.05.2020, në lagjen nr. 18, Durrës, dyshohet se ka vjedhur matësit e energjisë elektrike në një pallat.

- Më datë 19.06.2020, në lagjen nr. 18, Durrës, dyshohet se ka tentuar të vjedhë në banesën e shtetases A. Ll., një kondicioner.

- Më datë 19.06.2020, në lagjen nr. 18, Durrës, dyshohet e ka vjedhur 10 matës uji në një pallat 5-katësh në pronësi të shtetasit Sh. H.

- Më datë 23.06.2020, në lagjen nr. 18, Durrës, dyshohet se ka vjedhur mobiliet në banesën e shtetases R. B.

-Më datë 26.06.2020, në lagjen nr. 17, Durrës, dyshohet se ka vjedhur në banesën e shtetasit S. A.

35-vjeçari do të përballet në gjykatë për veprën penale "Vjedhja".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nana: 02/07/2020 10:16

    BE te mos beje dallime selektive , te shtoje masat mbrojtse me rigorizitet dhe kush nuh i zbaton te penalizohet sipad ligjit te vet. Ndjehemi te diskriminuar.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

U zgjodh kryetare e Himarës, Blerina Balaj ftesë për bashkëpunim: Asnjë punë nuk bëhet vetëm

U zgjodh kryetare e Himarës, Blerina Balaj ftesë për bashkëpunim: Asnjë punë nuk bëhet vetëm