Vipat ofrojnë ndihma financiare për të prekurit nga tërmeti...që nga Noizy, Kledi Kadiu e deri tek këngëtari i famshëm Pupo

                                                                                                                                                              Postimi i Paul Pogba

Ylli i Manchester United i cili aktualisht është dhe kampion bote në futboll me Francën, Paul Pogba ka shprehur ngushëllimet për viktimat nga tërmeti në Shqipëri. Në një foto të flamurit shqiptar ai shkruan 'Lutuni për botën, lutuni për Shqipërinë'. 

Kujtojmë se Pogba mund të kishte vizituar 11 ditë më parë Shqipërinë në ndeshjen e luajtur në Tiranë ku Franca fitoi 2-0 përballë kombëtares kuqezi por ai mungoi për shkak dëmtimi. 

Shumë personazhe të njohura janë bashkuar kanë dhënë ndihmat  e tyre për të dëmtuarit nga tërmeti duke ju gjetur pranë çdo familje shqiptare.

Edhe modelja e famshme, Angela Martini, ka ndërmarrë nismën e saj, duke hapur një llogari për të gjithë ata që duan të kontribuojnë.

Martini ka dhënë sot lajmin e mirë se një prej familjeve të dëmtuara iu është siguruar banesa që do të jetojnë.

“Jemi duke zhvendosur familjen e parë me fëmijë dhe pa shtëpi në një banesë sot.Video së shpejti”, shkruan ajo në ‘Instastory’.

Të gjithë vipat janë vënë në lëvizje për të ndihmuar banorët me aq mundësi që kanë.

Postimi i Angelës

Këngëtarja Rina Balaj ka treguar se familja e saj është e gatshme të ofrojë shtëpinë për të strehuar shqiptarët e prekur nga tërmeti.

Ajo është shprejur se lindi  pikërisht në luftën e  Kosovë dhe se një familje në Tiranë i hapi dyert për të jetuar.

Në njoftimin e këngëtares të publikuar në InstaStory, thuhet se familja e saj është e gatshme të mirëpresë në shtëpinë në Istog deri në  dy familje të prekura nga tërmetet.

Pos Rinës, strehim për banorët e Thumanës dhe Durrësit kanë ofruar edhe artistë të tjerë si: Genc Prelvukaj, Ledri Vula, Capital T etj.

Të gjithë emrat e famshëm të shoëbizit janë soloidarizuar me gjendjen në vend.

Postimi i Rinës

Ledri Vula ka lajmëruar se bashkë me familjen e tij kanë vendosur që të ofrojnë rezidencat e tyre në Prishtinë për familjet dhe njerëzit e prekur nga tërmeti në Shqipëri.

Përmes një postimi në Instagram, reperi dhe familja e tij hapën dyert e shtëpisë së tyre për t’u ardhur sado pak në ndihmë familjeve të prekura.

Ledri njofton se në shtëpinë e tij ka vend për 10 persona dhe 3-4 fëmijë.

“Nuk jeni vetëm”, shkruan reperi në njoftimin e tij.

E vlersojmë ndihmën e këngëtarit shqiptar për ndihmën që po u ofron banorëve të prekur nga tërmeti.

Postimi i Ledrit

Shqiptarët anë e mbanë botës janë mobilizuar për t’i ndihmuar të prekurit nga tërmeti në Shqipëri.

Për këtë ngjarje kanë reaguar edhe artistët shqiptarë që po gëzojnë famë botërore: Dua Lipa, Rita Ora, Ava Max, Gashi e Stanaj.

Së fundmi edhe Bebe Rexha përmes një videoje është solidarizuar me shqiptarët dhe ka premtuar se do të sigurojë fonde për tw ndihmuar vëllezërit shqiptarë.

“Së pari më vjen keq për gjithçka që është duke ndodhur për njerëzit e mi në Shqipëri. Jam duke u munduar të gjej një mënyrë për të siguruar fonde të mjaftueshme për të ndihmuar sado pak. Jam duke u lutur për ata që janë ndikuar nga kjo fatkeqësi. Ju dua shumë”, tha Bebe.

 “Miss Serbia” e cila u bë e famshme kur bëri shqiponjën me duart do të japë ndihm për vendin e prekur nga tërmeti.

 Irina Jovanka pushtoi mediat shqiptare dhe serbe pas veprimit që bëri në “Miss Freedom of the World” të mbajtur në Kosovë.

Ajo do të niset nga Viena për në Durrës për të ndihmuar banorët.

 “Unë nisem nga Viena në Kosovë të Premten në mëngjes në orën 02:00 dhe më pas në Tiranë dhe Durrës.

 Nëse dikush do të donte të dërgonte rroba, batanije apo ngrohëse për të prekurit nga tërmeti, do të jetë e mundur nesër, vendin ua bëj të ditur, më kontaktoni”, ka shkruar ajo në njoftimin e bërë në Instagram.

Postimi i Irinas

Ermal Fejzullahu ka treguar se do t’i ndihmojë viktimat e prekura nga tërmeti me  një shumë prej 100 mijë eurove.

Artisti përmes një postimi ka zbuluar se edhe ai i është bashkuar shumë kolegëve të tyre që po bëjnë gjithçka për ta bërë më të lehtë jetën e  banorëve e zonave të prekura nga tërmeti.

“Bashkëndjenja e dhimbjes dhe dashurisë janë një! Se zemra e shqiptarit është e madhe dhe bashkëndjenja obligim, shembull është miku im i cili çdo herë i heshtur ishte pranë atyre që kishin nevojë. Të trishtuar nga dhimbja dhe pamundësia për të ndalur këtë trishtim, kemi ndarë 100.000 euro për të ndihmuar të goditurit direkt nga kjo fatkeqësi. Do të ndihmohen rastet më të rënda për të sanuar sado pak dëmet që kanë pësuar“, shkruan Ermali.

Gjithashtu edhe babai i tij, këngëtari i muzikës kosovare Sabri Fejzullahu ka hapur dyert e shtëpisë së tij për një familje prej 6 anëtarësh.

Postimi i Ermalit

Postimi i Sabriut

Këngëtari i njohur italian, Enzo Ghinazzi, këngëtari italian, i njohur me emrin e artit Pupo, do të zhvillojë një koncert bamirësie për të ndihmuar shqiptarët e prekur nga tërmeti.

Pupo ka shkruar në rrjetin social Facebook se ai ndodhet pranë popullit shqiptarë në këto momente të vështira. 

“Kam punuar në Shqipëri dhe kam njohur forcën, besnikërinë, bujarinë e popullit shqiptar. T’i bëjmë ta ndjejnë gjithë miqësinë e afërsinë tonë në këtë moment të tmerrshëm”, shkruan Pupo. 

 Ai është shprehur i gatshëm të zhvillojë një koncert dhe të gjitha të ardhurat të shkojnë  për popullin e prekur nga tërmeti.

Postimi i Pupo

Edhe Capital T po vazhdon me kontributin e tij për të dërguar ndihma në Shqipëri.

Ai është shfaqur në kamion bashkë me ndihmat e mbledhura nga qytetarët kosovarë.

Përmes videove ai tashmë ka mbërritur në Durrës për të shpërndarë ndihmat dhe për të qenë në mbështetje të banorëve.

Ai gjithashtu ka strehuar shumë banorë të ngelur në mëshirë të fatit nga tërmeti.

Foto nga Capital

Balerinët Kledi Kadiu dhe Albi Nako do të dhurojnë një pjesë të fitimeve për personat e prekur nga tërmeti.

Dy balerinët do të oranizonin një ëorkshop ës bashku por është shtyrë për për shkak të situatës së rënduar si pasojë e tërmetit 6.3 ballësh të mëngjesit të djeshëm.

Përmes një postimi në Instagram, Albi bëri me dije se eventi tyre është shtyrë për në datën 3 dhjetor dhe fitimet do shkojnë për të gjithë njerëzit në nevojë.

"Ishte parashikuar sot ardhja e balerinit të njohur Kledi Kadiu nga Italia në Tiranë për mbarëvajtjen e një ‘ëorkshop’ në ambientet e Albi Nako Dance Academy, por tragjedia që pllakosi sot Shqipërinë bëri që ky event të shtyhet në datën 3 dhjetor.

Gjithë të ardhurat e këtij ‘ëorkshopi’ shkojnë në ndihmë të familjeve të dëmtuara. Jam i lumtur që këtë iniciativë e morëm bashkë. Faleminderit Kledi. Zoti e bekoftë Shqipërinë dhe shqiptarët".

Ky gjest human është për tu marrë shembull nga të gjihë personat që kanë mundësi financiare të ndihmojnë viktimat e tërmetit.

Postimi i Albit

Emrat më të njohur të shoëbizit i kanë ofruar ndihmën e tyre personave të prekur nga tërmeti, ku një prej tyre është edhe reperi Noizy.

Ai përmes disa postimeve ka treguar se ka shkuar në çadrat e ngritura në Durrës për të ndihmuar të gjithë ata banorë, shtëpitë e të cilëve janë dëmtuar dhe shkatërruar nga tërmeti.

Është shfaqur duke gatuar dhe shpërndarë ushqim banorëve që janë akomoduar në stadiumin "Niko Dovana".

Përmes rrjetit të tij social Instagram, Noizy gjithashtu e ka vlerësuar shumë ndihmën e shqiptarëve të Kosovës dhe Maqedonisë.

“Edhe pse patëm fatkeqësi, zemrat nuk i prishëm, madje mësuam se sa shumë e duam njëri-tjetrin. Nuk kam fjalë për xhestin e shqiptarëve të Kosovës dhe të Maqedonisë, mund të kem parë vetë me sytë e mi mbi 50 kamiona me ndihma për vëllezërit dhe motrat e tyre që kishin nevojë, si me ushqim por edhe jorganë e batanie. BRAVO! Kam qarë shumë, jo nga frika por nga gëzimi dhe jam i mbushur plot me energji. Do ju lutesha organizatave dhe njerëzve që kontribuojnë, të ketë kontroll mbi gjithçka sepse nuk duhet abuzuar me mirësinë, ju që kontribuoni duhet të siguroheni që atë që ju na ofroni të shkojë në vendin e duhur. Edhe një herë në emër të gjithë shqiptarëve, ju falenderoj nga zemra. Zoti qoftë me të gjithë ju dhe familjet tuaja. Uroj që këto lloj fatkeqësish mos të ndodhin më kurrë”, ka shkruar Noizy.

Reperi është rritur në qytetin e Durrësit dhe kjo solli edhe solidarizimin e madh të tij.

Noizy në Durrës