Viti akademik 2023-2024, INSTAT: Arkitektura dhe ndërtimi dega e preferuar, rreth 6 mijë të regjistruar! Mes studentëve shqiptar edhe italian

Viti akademik 2023-2024, INSTAT: Arkitektura dhe ndërtimi dega e preferuar, rreth 6 mijë të regjistruar! Mes studentëve shqiptar edhe italian

Dega më e preferuarë për studentët për vitin akademik 2023-2024, në fushat e studimit të lidhura me kulturën ka qenë ‘Artitektura dhe Ndërtimi’, ku janë regjistruar 5.972 studentë nga totali 16.715 studentë të regjistruar.

Referuar raportit të INSTAT-it mbi statistikat në fushën e kulturës, shihet se përveç “Arkitekturës dhe Ndërtimit” dega “Gjuhët”, është një tjetër fushë studimit e preferuar nga studentët, përkatësisht 3.795 studentë të regjistruar dhe më pas vjen ‘Sporte’ me 2.892 të regjistruar dhe ‘Arte’ me 2.214.

Sipas të dhënave në fushat e studimit të lidhura me kulturën, femrat përbëjnë shumicën e studentëve me 57.8%.

Përqindja e femrave është më e lartë në fushat “Gjuhë” ku rezulton 83.8%, “Gazetari dhe Informim” 79.9% dhe “Shkenca Humane” është 74.7% dhe më e ulët është në në fushën “Sporte”, ku femrat përbëjnë 24.8% të studentëve.

Përveç studentëve vendas, rezulton se nga totali i studentëve të regjistruar në arsimin e lartë, 1.9% ishin të huaj. Shumica e studentëve vijnë nga Italia 51.7% dhe nga Kosova 16.5%.

Për të tre vitet e fundit akademike, studentët e huaj meshkuj dominojnë me 2.1 % krahasuar me studentet e huaja femra që rezulton se janë 1.7%.

Referuar INSTAT-it, pjesa më e madhe e studentëve të huaj janë regjistruar për studime “Master” dhe “Bachelor”.

Në programet 2 vjeçare dhe Bachelor ka më shumë student meshkuj të huaj, ndërkohë në programet Master ka të regjistruara më shumë studente femra.

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/06/2024 00:20

    Po sigurisht qe arkitektura e ndertimi do te jene me te preferuarit,na mbyti betoni gjithandej!!

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Presidentja Osmani: Kosova do vazhdojë të qëndrojë së bashku me SHBA-të

Presidentja Osmani: Kosova do vazhdojë të qëndrojë së bashku me SHBA-të