Një nga figurat më të spikatura dhe me përvojë në politikën shqiptare, Pandeli Majko, ka zyrtarizuar kandidimin e tij për një tjetër mandat në Kuvendin e Shqipërisë. Deputeti socialist, ish-kryeministër dhe një prej emrave më të njohur të Partisë Socialiste, ka njoftuar përmes një statusi publik se ka firmosur dokumentet për të qenë pjesë e garës elektorale të 11 majit.
"Firmosa dokumentet e kandidimit për deputet, që të vazhdoj në krah të familjes sime, Partisë Socialiste të Shqipërisë, atë që kemi nisur, edhe pas zgjedhjeve të 11 majit", shkruan Majko.
Në mesazhin e tij, Majko përcjell një reflektim të thellë mbi angazhimin politik dhe përkushtimin ndaj shërbimit publik:
"Jam i bindur se një burrë nuk lind për të drejtuar, por i përgjigjet thirrjes dhe bën detyrën", thekson ai, duke nënvizuar se politika nuk është ambicie personale, por përgjegjësi ndaj shoqërisë.
Në një koment që ngjall interes dhe lexohet si një metaforë politike, Majko shton: "Bufi ushqehet me minj", duke lënë të kuptohet se në politikë shpeshherë sfidat dhe pengesat kërkojnë vëmendje, maturi dhe zgjuarsi.
Me sytë nga e ardhmja, ai i bën thirrje qytetarëve që të mbështesin ekipin e PS-së në listat e hapura:
"Votoni shokët dhe shoqet e mia në Listën e Hapur! Unë jam vetëm një prej tyre!"
Majko bën të ditur se fokusi i tij organizativ në këtë fushatë do të jetë në zonat e Kavajës dhe Rrogozhinës, por shton se është i gatshëm të kontribuojë kudo që është e nevojshme për të forcuar kauzën europiane të vendit.
"Votoni Partinë Socialiste! Do t’ia dalim, bashkë! Shqipëria e fëmijëve tanë është e para!", mbyll mesazhin e tij Pandeli Majko, duke rikonfirmuar angazhimin e tij të palëkundur për të ardhmen e vendit.
Zgjedhjet e 11 majit priten të jenë vendimtare për drejtimin politik të Shqipërisë në vitet që vijnë, ndërsa rikandidimi i figurave si Pandeli Majko sjell në vëmendje vlerën e përvojës dhe qëndrueshmërisë në jetën parlamentare të vendit.
Komente
Lajme të tjera
-
Dosja e aferës Partizani/ Pasuritë e Malltezit mbeten të sekuestruara, Gjykata Kushtetuese refuzon shqyrtimin e çështjes
16 Mars, 22:02 -
U kritikua ashpër në rrjet, Adriatik Lapaj heq babanë e tij nga lista e kandidatëve për deputetë në Qarkun Berat
16 Mars, 21:55 -
Në listën e hapur të Tiranës/ Braçe: Gara e pabarabartë, gati për betejë, nuk do e lë në mes për asnjë arsye
16 Mars, 21:45 -
'Sa herë krenoheni me këtë BE', Rama i përgjigjet komentuesit në 'Sy m'Sy': Stacioni i shpëtimit tonë kombëtar nga hijet e së shkuarës
16 Mars, 20:05 -
I premtoi të voglit nga Tropoja se do t’i hapë TikTok-un më 12 maj, Rama ironizon Berishën me bufin e kënetës: Hiç shkoll, veç TikTok t’keqen gjyshi (VIDEO)
16 Mars, 18:41 -
Mero Baze: Pse janë të kompleksuar prokurorët e SPAK, në historinë e Gërdecit?
16 Mars, 18:39
-
Zgjedhjet parlamentare të 11 majit/ Peleshi: PS synon 7 mandate në Korçë! Nuk kemi hyrë ndonjëherë në garë për barazim
16 Mars, 18:13 -
Lapaj flet sërish për babain në listën e Beratit: Listat e mbyllura do t'i hedhim në kosh të plehrave, po vendosim aty prindërit tanë si garanci
16 Mars, 17:19 -
Zgjedhjet e 11 majit/ Fatmir Xhafaj: Pranova të garoj sërish për të përmbushur misionin për konsolidimin e reformës në drejtësi në standardet më të mira evropiane
16 Mars, 17:14
-
Basha prezanton kandidatët e 11 majit për Shkodrën: Rama-Berisha i vazhduan pazaret, shqiptarët ‘humbën’ 4 vite për interesa e tyre
16 Mars, 13:50 -
Zgjedhjet e 11 majit, KQZ miraton listat e kandidatëve për 7 subjekte zgjedhore! Mes tyre PS, PSD, dhe koalicionet ‘Shqipëria Bëhet’ dhe ‘Djathtas për Zhvillim’
16 Mars, 12:22 -
Tragjedia në Maqedoni të Veriut, Rama: Të gatshëm për çfarëdo lloj ndihme! Begaj: I tronditur! Spiropali: Kurajo popullit maqedonas
16 Mars, 10:11
