Vjenë, mijëra vetë protestojnë kundër masave bllokuese! Policia: Të mbajnë maska ose do ngremë akuza ndaj tyre

Vjenë, mijëra vetë protestojnë kundër masave bllokuese! Policia: Të mbajnë maska ose do ngremë akuza ndaj tyre

Foto nga protesta në Vjenë

Mijëra vetë protestuan në Vjenë sot kundër kufizimeve për të frenuar pandeminë e koronavirusit. Përballë rritjes së infeksioneve ditore, muajin e kaluar, Austria u bë vendi i parë në Europën Perëndimore që rivendosi masat e bllokimit. Autoritetet kanë njoftuar gjithashtu se do ta bëjnë të detyrueshëm vaksinimin duke filluar nga muaji shkurt.

Protestuesit mbanin pankarta ku shkruhej; "Unë vendos vetë", "Ta bëjmë Austrinë të madhërishme sërish" e "Zgjedhje të reja", një shenjë e problemeve politike në këtë vend, i cili brenda dy muajsh, ka patur tre kancelarë.

Rreth 1200 oficerë policie monitoruan protestën. Policia tha se do t'u kujtonte marshuesve të mbanin maska dhe se do të ngrinin akuza ndaj atyre që nuk do ta bënin një gjë të tillë.

Këtë javë një komision parlamentar miratoi dyfishimin e kohëzgjatjes së masave kufizuese, në 20 ditë, për të cilën qeveria ka thënë se do të jetë afati maksimal.

Austria, një vend me 8.9 milionë banorë, ka raportuar rreth 1.2 milionë raste me koronavirusit dhe më shumë se 12,000 vdekje që nga fillimi i pandemisë. Rastet e infeksioneve të reja kanë rënë që nga fillimi i bllokimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake

2 ‘kryetarë’ në burg, Këshilli Bashkiak i Himarës komandon Blerina Balajn si kryebashkiake