VLORË - Një operacion policor zbuloi dhe goditi dy raste të trafikimit të personave të rritur nga Ukraina. Pjesëtarët e këtij rrjeti rekrutonin shtetas ukrainas në vende të ndryshme të Europës dhe i sillnin në Shqipëri, ku i privonin nga dokumentet e udhëtimit dhe i detyronin të kryenin aktivitete të kundërligjshme, sqaroi në deklaratën për mediat drejtori i policisë së Vlorës, Elidon Çela.
Personat e trafikuar, përmes kërcënimeve dhe dhunës fizike e psikologjike, detyroheshin të angazhoheshin në rekrutimin e individëve të tjerë përmes rrjeteve sociale. Viktimat më pas përdoreshin për veprimtari kriminale, si shpërndarja dhe trafikimi i lëndëve narkotike në vendet europiane.
Drejtori Çela tha se ende nuk ka indicie se mund të jenë përfshirë shtetas shqiptarë apo qytetarë të Vlorës në këtë rrjet, megjithatë ende po hetohet nga prokurori i çështjes Erion Murataj.
'Gjatë këtij operacioni u goditën dy raste të trafikimit të personave të rritur nga shteti i Ukrainës. Pjesëtarët e këtij rrjeti trafikimi rekrutonin në vende të ndryshme të Europës, kryesisht shtetas nga Ukraina, duke i sjellë në Shqipëri, ku më pas u mbanin dokumentet e udhëtimit dhe i shfrytëzonin për të kryer veprimtari të kundërligjshme.
Personat e trafikuar detyroheshin përmes kërcënimeve dhe përdorimit të dhunës fizike dhe psikologjike, për t’u angazhuar në marketingun e rekrutimit të individëve të tjerë në vendet e Europës, duke përdorur platforma të ndryshme të rrjeteve sociale, me qëllimin për t’i shfrytëzuar më pas për veprimtari kriminale, si shpërndarja dhe trafikimi i lëndëve narkotike, që kryheshin gjithashtu në vendet europiane' deklaroi Çela.
Ndërkohë, shtetasi K. M., 35 vjeç, banues në Poloni, është shpallur në kërkim.
Autoritetet shoqëruan 19 shtetas ukrainas, të moshës 18-26 vjeç, të cilët ishin viktima të kësaj veprimtarie kriminale.
Të gjitha pajisjet do të analizohen nga Instituti i Policisë Shkencore në Tiranë për të zbuluar të dhëna të mëtejshme mbi rrjetin kriminal.
Lajmi në përditësim...
Një grup kriminal me shtetas ukrainas me bazë në Vlorë që merrej me rekrutimin e shpërndarësve të drogës dhe trafikimin e personave të rritur është goditur nga policia e këtij qyteti. Forcat blu publikuan pamjet e bazës së këtij grupi ku janë sekuestruar 18 laptopë, 23 pasaporta udhëtimi, 4 karta ID dhe 23 aparate celularë, të cilat do t’i nënshtrohen ekzaminimeve të mëtejshme laboratorike në Institutin e Policisë Shkencore në Tiranë.
Në total janë shoqëruar dhe 19 shtetas ukrainas, të moshës nga 18 deri në 26 vjeç, të cilët kanë qenë viktima të kësaj veprimtarie kriminale dhe janë kryer veprime procedurale me qëllim dokumentimin ligjor të kësaj veprimtarie kriminale.
Lajme të tjera
-
Lufta në Ukrainë/ Moska po përparon drejt Pokrovskit! Ushtria në portat e qytetit
13 Dhjetor, 07:11 -
40 mijë trupa të NATO-s në Ukrainë, zbulohet plani francez dhe polak për luftën
12 Dhjetor, 17:15 -
Të miturit që sulmojnë me thikë, 3 raste në Shqipëri gjatë 24 orëve të fundit
12 Dhjetor, 16:57 -
Vorë-Hani i Hotit/ BERZH hap tenderin ndërkombëtar 373 milionë euro për ndërtimin e hekurudhës
12 Dhjetor, 15:46 -
SHBA paralajmëron për raketën e dytë supersonike ruse në Ukrainë
12 Dhjetor, 12:15 -
Shqipëria, ndër vendet më obeze të Europës, më elegantët italianët
12 Dhjetor, 10:56 -
VIDEOLAJM/ Llogaraja e zbardhur nga dëbora, adrenalina e aktiviteteve malore nga të rinjtë në Majën e Qorres
12 Dhjetor, 10:45 -
Vlorë/ I vuri tritolin lokalit tek 'Uji i Ftohtë', arrestohet 28-vjeçari! 'The Boss' në pronësi të familjes së Bledar Birçajt, i vrarë në 2021 (EMRI+FOTO)
12 Dhjetor, 08:21 -
Vendosën tritol në lokalin e familjarëve të Bledar Birçajt, ndalohen dy autorët e dyshuar! Report Tv siguron foton e njërit prej tyre
11 Dhjetor, 17:38 -
Vlorë/ Ishin duke lëvizur me motor, makina përplas çiftin e bashkëshortëve dhe vajzën 3-vjeçare
11 Dhjetor, 16:34 -
SHBA-të transferojnë kredinë prej 20 miliardë dollarë për Ukrainën
11 Dhjetor, 10:11 -
Lufta në Ukrainë/ Raketat ruse sulmojnë klinikën, 6 të vrarë dhe 22 të plagosur! Persona të tjerë ende të bllokuar nën rrënoja
11 Dhjetor, 10:00
