Vokshi e zhgënjyer me gratë e Bashës, 'harron' sulmin e militantëve: Turp të keni që mbrojtët dhunën ndaj demokratëve! Berisha i vetmi që ngjall shpresë për ndryshim

Vokshi e zhgënjyer me gratë e Bashës, 'harron' sulmin e militantëve: Turp të keni që mbrojtët dhunën ndaj demokratëve! Berisha i vetmi që ngjall shpresë për ndryshim

Deputetja demokrate Albana Vokshi, edhe pse ishte vetë e pranishme në protestën e 8 janarit dhe pa se si militantë e Sali Berishë me vare e çekiçë në duar shqyen dyert e dritaret e selisë blu, ka hedhur akuza se në fakt dhuna është bërë nga njerëzit e Bashës me gaz lotsjellës dhe policia e Ramës.

Zhgënjimin më të madh Vokshi duket se e ka pasur me gratë demokratë deputete që sipas saj kanë përkrahur Bashën dhe kanë heshtur para kësaj dhune dhe nuk e kanë denoncuar atë.

Në fund Vokshi thekson se PD është shtëpia e demokratëve dhe se Sali Berisha është e vetmja shpresë për ndryshim.

"Për të gjitha gratë deputete, anëtare të Këshillit Kombëtar të PD, anëtare të Kryesisë së PD që nuk janë lodhur së postuari dje e sot mesazhet standart të prodhuara nga zyrat e shtypit legale të Lulzim Bashës:

- Turp për ju që jeni bërë palë e mbroni dhunën ndaj grave e burrave demokratë të ushtruar brenda dhe rrotull mjediseve me urdhër të Lulzim Bashës;

- Turp për ju që ankoheni që ju ka dhembur koka nga gazi që u hodh mbi ne nga brenda PD, nga ambientet ku ishit strehuar ju ndërkohë që gra demokrate u gjakosën duke u munduar të shpëtonin nga gazi helmues që u hodh nga policia e Ramës me kërkesën tuaj për t’ju mbrojtur juve e rehatinë tuaj;

- Turp për ju që nuk folët, nuk u distancuat kur selia e PD, shtëpia jonë e përbashkët u bë fole për personat e armatosur e ata me të shkuar kriminale;

- Turp për ju që bëtë festë në të njëjtat ambiente nga u ushtrua dhunë, u hodh gaz, pluhur zjarrfikëseje, ujë, gurë, xhama, karrige, tavolina mbi kokat tona, e dhjetëra demokratë përfunduan me probleme shëndetësore në spitale;

- Turp për ju që çuat në komisariate dhjetëra demokratë që kanë 30 vjet sakrifica në PD;

- Turp për ju që nuk folët për gratë e vajzat demokrate që u sulmuan e u dhunuan turpshëm nga partia e tyre apo nga Policia Ramës me kërkesë e urdhër të Bashës për të mbrojtur interesat e tij personalë;

- Turp për ju që tradhtuar besimin që ju dhanë gratë e burrat demokratë që sakrifikuan e nuk ju tradhtuan kurrë në 30 vjet;

Edhe sikur një ditë të kishte Sali Berisha në politikë, pas atij do të shkoja, sepse me të ka shpresë për ndryshim, ka shpresë për rithemelim, ringritje e ardhje në pushtet.  E nuk do të ndiqja njeriun që njeh vetëm humbje e për mision ka shkatërrimin e PD dhe opozitës, shuarjen e pluralizmit!!

Por, ka shpresë! Ata janë demokratët të cilët kanë marrë në dorë fatet e PD!!!

Në demokraci sovrani vendos!!!

Shënim: në foto Elisabeta Rredhi, Kryetare e LDG Divjakë, dëmtuar në sy gjatë protestës para selisë së PD dt 8 janar 2022.", shkruan Vokshi

Protesta e 8 janarit precipitoi që në nisje të saj me dhunë, ku militantë të Sali Berishës me vare, lopata dhe çekiçë në duar hapën dyert e blinduara dhe thyen dritaret e gjithçka gjetën brenda. U desh ndërhyrja e policisë, që situata të vihej nën kontroll në pak minuta, pasi po rrezikohej seriozisht jeta e deputetëve që ndodheshin brenda selisë si dhe kreut të PD-së Lulzim Bashës. Nga ana tjetër Sali Berisha i cilësoi 'dhunuesit' si heronj duke shtuar ato ruajtën gjakftohtësinë dhe  sulmi ndodhi nga njerëzit e Bashës që ishin brenda selisë blu.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Balo Bënça: 11/01/2022 00:04

    O Albana,ku jeton ajo Vjollca Vokshi moj ,gazetarja kryesore e Berishës në kohën e Piramidave!? Korrupsionin në Shqipëri e krijoi Sali Berisha...

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'

Dy humbjet në miqësore, Kombëtarja humbet pozicione në FIFA! Rivalët e Euro 2024 në 'top 10'