Më 17 shkurt në Bruksel do të zhvillohet konferenca e donatorëve të BE për Shqipërinë pas tërmetit tragjik të 26 nëntor. Lajmin e ka dhënë presidentja e Komisionit Europian Ursula Von Der Leyen gjatë konferencës së përbashkët me kryeministrin e Koracisë , Andrej Plenkoviç me rastin e marrjes së kryesimit të BE-së nga ky vend.
"Jemi të lumtur që konferenca e donatorëve do të zhvillohet me 17 shkurt, pas tërmetit tragjik që goditi Shqipëinë. Do të përpiqemi të ndihmojmë Shqipërinë në fazën e rindërtimit. Muajit e ardhshëm janë të rëndësishëm për Balkkanin Perëndimor" tha Ursula Von Der Leyen.
Më pas presidentja e KE është shprehur se tashmë me marrjen e presidencës së BE-së nga Kroacia që është një vend që sapo ka hyrë në Bashkimin Evropian, do të punojnë fortë që edhe për Shqipërinë dhe Maqedoninë e Veriut të gjendet një rrugë për të hapur negociatat e anëtarësimit.
" Samiti i Zagrebit do të jetë mjaft i rëndësishëm, për të vënë para procesin e zgjerimit. Duhet të reflektojmë si ta përmirësojmë procesin e anëtarësimit. Do të përpiqemi të bëjmë të pamundurën për negociatat me Shqipërinë dhe Maqedoninë e Veriut, që dy vendet të plotësojnë kriteret e duhura për të arritur këtë. Do punojmë për të vënë para procesin e zgjerimit. Do të përmirësojmë këtë. Do të vazhdojmë të bëjmë të pamundurën për anëtarësimin dhe procesin e negociatave per të dy vendet dhe që të plotësojnë kriteret e duhura. " tha më tej presidentja e KE.
Ndërkohë Ursula Von der Leyen ka thënë se do të punohet fort që për Shqipërinë dhe Maqedoninë e Veriut të krijohet një metodologji për anëtarësimin në BE para samitit të Zagrebit.
" Duhet të prezantojmë një metodologji para samitit të Zagrepit. Është diçka që vlen të përmendet se vetë Kroacia e ka të freskët eksperiencën e një vendi të tillë që u bë së fundmi pjesë e BE. Besoj se do punojmë për çështje që janë ngritur tashmë dhe do të gjejmë një rrugë për Shqipërinë dhe Maqedoninë." tha më pas ajo.
Konferenca e Donatorëve ku pritet që të mblidhen fonde për të ndihmuar Shqipërinë pas goditjes shkatërrimtare të tërmetit të 26 nëntorit të vitit që lamë pas, do të mbahet me 17 shkurt në Bruksel. Vendin e mbajtjes së konferencës e ka bërë të ditur, ambasadori i BE-së në Tiranë Luigi Soreca, i cili me anë të një statusi në rrjetet sociale shkruan se Bashkimi Europian qëndron pranë Shqipërisë.
"Konferenca e donatorëve për të ndihmuar Shqipërinë në përpjekjet e saj për rindërtim pas tërmetit shkatërrues të 26 nëntorit të vitit të kaluar do të zhvillohet në 17 shkurt 2020 në Bruksel. Bashkimi Evropian qëndron pranë Shqipërisë. BE për Shqipërinë." shkruan Soreca.
Lajme të tjera
-
Presidentja e Komisionit Evropian propozon heqjen e vetos për anëtarësim në BE: Pranimi, me shumicë të cilësuar
20 Mars, 16:30 -
Von der Leyen konfirmon zyrtarisht rekomandimin për nisjen e negociatave për anëtarësimin e Bosnjës
12 Mars, 11:03 -
Von der Leyen përgatit Evropën për luftë: Kemi nevojë për më shumë armë, duhet t'i prodhojmë siç u bë me vaksinat
28 Shkurt, 14:00 -
Ursula von der Leyen, e përgatitur për mandatin e ri si presidente e KE, nuk ka kandidatë seriozë përballë
23 Shkurt, 20:23 -
Sot shpalli zyrtarisht kandidaturën, Von der Leyen premton mbështetje për zgjerimin nëse rizgjidhet në krye të KE-së
21 Shkurt, 15:29 -
Zgjedhjet europiane, konservatorët francezë nuk do të mbështesin von der Leyen për mandat të dytë në krye të KE
20 Shkurt, 16:09 -
Ursula von der Leyen konfirmon se do të kandidojë për një tjetër mandat në Komisionin Europian
19 Shkurt, 14:56 -
Rama në Bruksel, takohet me Michel dhe Von der Leyen! Në fokus integrimi i rajonit dhe plani i rritjes ekonomike
14 Shkurt, 10:58 -
Fermerët arrijnë fitoren e parë pas protestave, Ursula von der Leyen tërheq ligjin për reduktimin e pesticideve në BE
7 Shkurt, 13:14 -
Miliona euro nga IPARD, peng i abuzimeve! 23 përfitues refuzojnë t’i kthejnë paratë AZHBR
6 Shkurt, 22:46 -
Von der Leyen: BE duhet të përshpejtojë shpërndarjen e municioneve në Ukrainë
6 Shkurt, 15:33 -
KE-ja shton presionin ndaj Kosovës për shkak të vendimit të BQK-së
2 Shkurt, 13:22
