Votohen ndryshimet kushtetuese në Kuvend/ Nga sot Maqedonia do të njihet si “Republika e Maqedonisë së Veriut”

Votohen ndryshimet kushtetuese në Kuvend/ Nga sot Maqedonia do të njihet si “Republika e Maqedonisë së Veriut”

Foto ilustruese

Maqedonia sot votoi ndryshimet Kushtetuese që kaluan me 81 vota në Kuvend. Nga sot zyrtarisht do të njihet si “Republika e Maqedonisë së Veriut”. Votimi i ndryshimeve kushtetuese nuk kaloi pa zhurmë. Para Kuvendit qindra qytetarë kanë dalë të protestojnë kundër emrit të ri të Maqedonisë. Ditën e nesërme, kryeministri Zoran Zaev ka paralajmëruar një fjalim para qytetarëve të Republikës së Maqedonisë së Veriut. Pas miratimeve të ndryshimeve Kushtetuese, kryeparlamentari Gramoz Ruçi ka telefonuar homologun e tij maqedonas Talat Xhaferrin. (LEXO KËTU)

Rendit zhvillimet sipas orarit:
Ora 22:34
Emri i ri i Maqedonisë, kryeparlamentari Ruçi telefonatë me homologun Talat Xhaferi

Kreu i Kuvendit të Shqipërisë, Gramoz Ruci ka telefonuar homologun maqedonas Talat Xhaferi pas miratimit të ndryshimeve kushtetuese të Maqedonisë. Mësohet se gjatë telefonatës, Ruçi është shprehur se lidershipi i deputetëve shqiptarë ka qënë përcaktues për arritjen e emrit të ri Maqedonia e Veriut.

“Lidershipi juaj dhe deputetët shqiptarë janë përcaktues të Maqedonisë së Veriut. Maqedonia e Veriut,  vizion e kontribut për paqen e stabilitetin rajonal. Maqedonia e Veriut,  vullnet popullor për integrimin në BE dhe NATO. Shqipëria, fqinje, mbështetëse dhe partnere e Maqedonisë së  Veriut” - mësohet se ka thënë Ruçi.

Ora 20:06
Emri i ri i Maqedonisë/ Bushati: Partitë shqiptare, faktor vendimtar, urime!

Ministri i Jashtëm, Ditmir Bushati, ka reaguar pas zyrtarizimit të emrit të ri të Maqedonisë. Bushati thotë se ky është një kontribut edhe i partive shqiptare që provuan se janë faktor vendimtar. “Vota përfundimtare e Kuvendit është një demonstrim i qartë i shtyrjes së bllokut të shteteve për të çrrënjosur rrugën #NATO dhe #EU. Kontributi i partive politike shqiptare edhe njëherë u dëshmua si faktor vendimtar. Urime!”-thotë Bushati në rrjetet sociale.

Ora 20:05
Emri i ri i Maqedonisë, Basha: Hap historik për konsolidimin e rajonit

Kryetari i Partisë Demokratike, Lulzim Basha ka reaguar pas votimit në Kuvendin e Maqedonisë të ndryshimeve që zyrtarizojnë emrin e ri të vendit. Basha përshendet votimin dhe thotë se është një hap historik për konsolidimin e rajonit. “Përshëndes votimin e ndryshimeve kushtetuese nga Parlamenti i Maqedonisë Veriore.  Ky akt i përgjegjshmërisë së lartë politike është një hap historik për konsolidimin e rajonit si pjesë e familjes Euroatlantike që forcon paqen, sigurinë dhe vlerat demokratike.”-shkruan Basha në rrjetet sociale.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon

VIDEO/Mbledhja e këshillit bashkiak në Himarë, banori pështyn në fytyrë Vangjel Tavon