Vrasja e 20-vjeçares që tronditi Greqinë, bashkëshorti pranon krimin: E mbyta se donte të më linte dhe të merrte fëmijën

Babis Anagnostopulos duke përqafuar nënën e Caroline

Piloti 32-vjeçar, Babis Anagnostopulos e ka llogaritur vrasjen e gruas së tij 20-vjeçare me gjakftohtësi, ndërsa më pas ka aktruar me mjeshtëri ku lotët dhe fjalët prekëse që thoshte në media të bënin të besojë vërtetë dhimbjen e tij. Aktrimi i tij ka zgjatur deri pak para se të arrestohej kur ai është fotografuar me nënën e gruas së tij Caroline, duke e përqafuar dhe ngushëlluar për krimin makabër që i mori jetën të bijës.

GREQI- Detajet reja tronditëse shenjështojnë bashkëshortin e Carolines si të dyshuarin kryesor të vrasjes makabre të 20-vjeçares, e cila dha frymën e fundit pranë foshnjës së saj.

Cilat janë detajet që bën policinë helene të dyshojë për bashkëshorten?

        1.Një orë biometrike të cilën e kishte në dorë Caroline momentet e fundit ka treguar ekzaktsisht orën fikse në të cilën zemra e vajzës së re rrahu për herë të fundit.

Po çfarë nënkupton kjo?

Nuk përputhen oraret! Pas hetimeve rezultoi se ka një mospërputhje mes orarit në të cilin bashkëshorti i Carolines, Charalambos dëshmoi se ndodhi ngjarja dhe orarit ekzakt që zemra e 20-vjeçares rrahu për herë të fundit.

        2. Në të njëjtën kohë në shtëpinë e çiftit, kamera e sigurisë duket se ka regjistruar momentet e fundit të asaj nate tragjike, para se karta e memories të zhdukej. Në pamjet në të cilat ka në                duart e saja policia, duket Charalambos i shtrirë dhe në krahët e tij e vogla e tyre.

Më pas karta i është hequr kamerave, por sërish edhe në këtë rast ka një mospërputhje oraresh!

Me këto dy detaje të reja, policia greke ka vënë në fokus të hetimeve, bashkëshortin e Carolines, si të dyshuarin kryesor të ngjarjes tragjike.

Si ka ndodhur ngjarja në bazë të dëshmive në polici të bashkëshortit të Carolines?

Gjithçka ndodhi një muaj më parë, kur çifti dhe foshnja e tyre 11-muajshe po flinte paqësisht. Tre grabitës, të cilët hynë në shtëpinë e çiftit grek me qëllim për të vjedhur nuk u mjaftuan me kaq... nuk u mjaftuan me paratë që morën e as me bizhuteri e shtrenjta. Ata nuk u larguan dot pa i marrë edhe jetën Carolines. Nuk i mjaftoi as kjo, por e vranë pranë foshnjës së saj, dhe bashkëshortit të “paralizuar”, të cilin kishin lidhur kokë e këmbë.