POP 5

Lajmet më të lexuara të 5 minutave të fundit

Kronikë

Vrasja e Santiago Malkos, policia shpall në kërkim 4 persona

Policia dhe Prokuroria shpallin në kërkim të paktën 4 persona të dyshuar se kanë marrë pjesë apo se kanë pasur dijeni për ekzekutimin e Santiago Malkos. Emrat e tyre dolën pas dëshmisë së Blendi Tetës, i lënë dje në arrest me burg me akuzën se ka kryer veprime që zbulojnë zbardhjen e së vërtetës dhe se ka pasur dijeni për krimin, por nuk e kallëzuar atë në kohë. Në dëshminë e tij, 39 vjeçari dha edhe dy emra të tjerë se ka darkuar para ngjarjes, emra për të cilët policia dhe Prokuroria ka dyshuar që në krye të herës si persona që janë të përfshirë në ngjarje.

Pas dëshmisë që i arrestuari i vetëm s ii dyshuar i përfshirë në vrasjen e Santiago Malkos ka dhënë para grupit hetimor, policia ka shpallur në kërkim të paktën 4 persona të tjerë. Emrat e tyre dolën në dritë nga deklarimi i Blendi Tetës, ndërsa bëhet me dije se po kërkohen personat me iniciale E.D., I.S., O.L., dhe E.G., emrat e të cilëve nuk bëhen me dije për shkak të hetimeve.

Hetimet për këtë çështje po ndiqen nga prokurori Naim Tota, e ndërsa pas ndalimit të të kërkuarve, pritet që të verifikohet edhe roli i tyre në ngjarjen e 27 Gushtit, në rrugën “Xhanfize Keko”.

Në dëshminë e dytë që 39 vjeçari dha për grupin hetimor u përmendën edhe dy persona të tjerë, L.D e D.A, për të cilët Teta tha se ishin duke darkuar së bashku në zonën e Freskut pak para se të ndodhte vrasja, por kishin lëvizur prej andej me kërkesë të tyre.

L.D. dhe D.A. dyshohen nga policia dhe prokuroria se janë persona që kanë lidhje me vrasjen e ish efektivit Santiago Malko. Pas orë pas vrasjes së këtij të fundit, ata u shoqëruan në polici, por u lanë sërish të lirë për mungesë provash. Burimet bëjnë me dije për Report Tv se pas shoqërimit dhe marrjes në pyetje të të dyshuarit L.D, policia i bllokoi atij edhe dy mjete të blinduara.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

Conference League/ Dramë në 120 minuta dhe penallti, Fiorentina dhe Aston Villa kalojnë në gjysmëfinale

18 Prill, 23:13