Laert Haxhiu 28 vjeç i dënuar në mungesë me 18 vite burg për disa vepra penale dhe Anterio Kaloshi 29 vjeç në kërkim i kanë shpëtuar sërish policisë gjatë një operacioni në Lushnje. Në kërkim prej 3 vitesh i akuzuar për vrasjen e dyfishtë të Zamir Latifit e Jurgen Hoxhës dhe plagosjen e Marius Xhepexhiu, 28-vjeçari i shumëkërkuar arriti që të arratiset sërish pa lënë gjurmë, bashkë me shokun e tij.
Operacioni koduar nga policia “Sarava” dështoi. RENEA kontrolloi 13 banesa, por nuk arriti që të gjente objektivin. Nga kontrolli i këtyre banesave u sekuestruan një armë gjahu teke, një sasi municioni luftarak, 30000 dollarë amerikan, disa doza kanabis, 4 automjete dhe 16 aparate celularë.
Në lidhje sekuestrimet u proceduan L. Z. 36 vjeç, R. Z. 23 vjeç dhe H. T. 17 vjeç. Por Laert Haxhiu u zhduk sërish. Laert Haxhiu me Anterio Kaloshin dhe Orgest Bilbili, që u arrestua disa muaj më parë në Tiranë akuzohen për vrasjen e dyfishtë.
Laert Haxhiu dhe Orges Bilbili janë emra të njohur për drejtëinë, pasi janë të përfshirë në vrasje, plagosje, vjedhje, trafik droge etj. Laert Haxhiu përveç përfshirjes në ekzekutimet e Zamir Latifit e Jurgen Hoxhës është autor i vrasjes së anëtarit te grupit të Aldo Bares, Gerti Lala (lexo ketu skeden).
Njoftimi i plotë i policisë për operacionin
Zbardhet dhe dokumentohet ngjarja e ndodhur në vitin 2017, në Lushnjë, ku mbetën të vrarë me armë zjarri shtetasit Z. L. dhe J. H. dhe u plagos shtetasi M. Xh.
Nën drejtimin e Prokurorisë pranë Gjykatës së Shkallës së Parë Lushnjë, pas një pune të mirëfilltë hetimore nga Komisariati i Policisë Lushnjë dhe Seksioni për Hetimin e Krimeve të Rënda në Drejtorinë Vendore të Policisë Fier, në koordinim nga Departamenti i Policisë Kriminale, u bë i mundur dokumentimi i ngjarjes së ndodhur në datën 11.10.2017, në lagjen "Loni Dhamo", Lushnjë.
Sot më datë 28.07.2020 u organizua operacioni policor i koduar "Sarava", për ekzekutimin e vendimit të Gjykatës së Shkallës së Parë Lushnjë, e cila, bazuar në provat e siguruara nga hetimi i Policisë, në bashkëpunim me Prokurorinë, për veprat penale "Vrasja në rrethana të tjera cilësuese” e kryer në bashkëpunim, "Armëmbajtja pa leje" dhe "Prishja e qetësisë publike", të kryera në kuadër të grupit të strukturuar kriminal, ka caktuar masat e sigurisë "Arrest në burg”, për shtetasit:
Laert Haxhiu, 28 vjeç, banues në lagjen "Loni Dhamo", Lushnjë, i dënuar më parë me 18 vite burgim, për veprat penale "Vrasja e mbetur në tentativë", "Armëmbajtja pa leje" dhe "Prishja e qetësisë publike", si edhe me 3 muaj burg, për veprën penale “Mosbindja ndaj urdhrit të punonjësit të policisë së rendit publik";
Orgest Bilbili, 30 vjeç, banues në lagjen "18 Tetori", Lushnjë, i dënuar më parë me 7 vjet e 4 muaj burgim, për veprën penale ''Trafik narkotikësh'';
Anterio Kaloshi, 29 vjeç, banues në lagjen "Loni Dhamo", Lushnjë, për të cilin Gjykata e Rrethit Gjyqësor Korçë ka caktuar më parë masën e sigurisë "Arrest në burg", për veprën penale “Vjedhja me dhunë” e kryer në bashkëpunim.
Për shtetasin Orgest Bilibili u bë ekzekutimi i vendimit të datës 25.07.2020 në IEVP Tiranë, ndërsa për shtetasit Laert Haxhiu dhe Anterio Kaloshi janë ushtruar disa kontrolle ambientesh, por nuk është bërë e mundur gjetja dhe kapja e tyre. Këta shtetas janë shpallur në kërkim dhe vijon puna intensive për gjetjen dhe kapjen e tyre.
Gjithashtu, gjatë operacionit policor “Sarava”, nga ana e Policisë së Lushnjës, DVP Fier, FNSH Fier dhe forcat speciale RENEA janë ushtruar kontrolle në 13 banesa.
Nga kontrolli i këtyre banesave janë sekuestruar në cilësinë e provës materiale 1 armë gjahu teke, një sasi municioni luftarak, 30000 dollarë amerikan, disa doza me lëndë narkotike të dyshuar cannabis sativa, 4 automjete dhe 16 aparate celularë.
Në lidhje me sendet e paligjshme të gjetura dhe të sekuestruara gjatë kontrolleve u proceduan penalisht shtetasit L. Z., 36 vjeç, R. Z., 23 vjeç dhe H. T., 17 vjeç.
Në drejtimin e Prokurorisë pranë Gjykatës së Shkallës së Parë Lushnjë vazhdojnë veprimet hetimore për dokumentimin e plotë të kësaj ngjarjeje.
Lajmi në përditësim....
Komente
Lajme të tjera
-
Masakra e Lushnjës, SPAK kërkon burgim të përjetshëm për Laert Haxhiun! Në 2017 u vra Jurgen Hoxha dhe Zamir Latifi, shënjestër ishte nipi Aldo Bares
9 Prill, 12:54
-
Mbanin kontakte me eksponentë të krimit, izolohen në ‘41 bis’ dy të dënuarit përjetë, Anterio Kaloshi dhe Aldo Hoxha
3 Prill, 09:41
-
U arrestua pas dëshmive të Artan Tafanit, GJKKO liron nga qelia Klea Gjatën, mikja e Laert Haxhisë
21 Mars, 11:19 -
'Masakra e Lushnjës' në 2017, në 18 mars gjykata do japë pretencën për Laert Haxhiun
29 Shkurt, 10:43 -
Vendimi i Qeverisë/ Kreu i SPAK, GJKKO dhe i BKH-së me eskortë jashtë vendit dhe deri në 2 vjet pas mbarimit të mandatit! Masa edhe për sigurinë e familjarëve
29 Dhjetor 2023, 15:56
-
Mediat greke: Laert Haxhiu pretendon se Aldo Bare ofron 1 mln euro për ta vrarë! Transferohet nga burgu i Janinës
9 Dhjetor 2023, 14:58 -
Masakra e Lusnjës/ Babai i Laert Haxhisë shkon në GJKKO për përjashtimin e Detar Hysit! Caktohen dy avokatë të rinj për djalin e tij
1 Dhjetor 2023, 15:10 -
Masakra e Lushnjës në 2017, shtyhet seanca për Laert Haxhiun! Avokati Detar Hysi kërkon të heqë dorë nga mbrojtja, GJKKO: Sill prokurë
17 Nëntor 2023, 11:53
-
Në kërkim për drogë e vrasje në Shqipëri, 22 u arrestuan jashtë gjatë 2023, 11 u ekstraduan! Lista kryesohet nga Dritan Rexhepi e Laert Haxhiu
14 Nëntor 2023, 15:04
-
SPAK përgatit dosjen për ekstradimin e Dritan Rexhepit! Brenda së martës dosja i kalon Ministrisë së Drejtësisë! Eksperti: Shkoi në Turqi për zgjerim të tregut të kokainës
14 Nëntor 2023, 13:21
-
Ikën Detar Hysi, rokadë avokatësh në GJKKO për Laert Haxhiun! Caktohen dy të tjerë, shtyhet seanca
2 Nëntor 2023, 12:40 -
Tafani zbërtheu trafikun e kokainës të Laert Haxhiut, SPAK letërporosi disa shteteve të BE! Prokurori sot kërkesë GJKKO për rivlerësimin e masave
29 Tetor 2023, 15:11
Poshtersirat qe ka ber aldo bare me qent e vet si kan ber as ne afrik ... por denimi i Zotit nuk vonon as harron
Përgjigju