Vrau Klodian Rashën, Apeli dënon me 18 vite burg ish efektivin Nevaldo Hajdarjan: 25-vjeçari nuk kishte armë dhe nuk i rrezikoi jetën policit

Gjykata e Apelit të Tiranës ka dënuar me 18 vite burg ish efektivi Nevaldo Hajdaraj, për vrasjen e të riut Klodian Rasha. Përmes gjykimit të shkurtuar ai do të kryejë 12 vite burg. Prokuroria kërkoi dënim me 20 vite burg dhe heqje të gjykimit të shkurtuar. Ndërkohë që Gjykata e Apelit vendosi të rrëzonte kërkesën e mbrojtjes për heqje të akuzës për “vrasje me dashje” për shkak se u vetëmbrojt, duke u shprehur se Klodian Rasha nuk kishte armë me vete dhe nuk përbënte rrezik për jetën e efektivit Hajdaraj.

Vendimi për dënimin e tij me 18 vite burg u dha në unanimitet nga gjyqtarët Edlira Petri, Genti Shala, Elona Toro. Gjatë seancës së sotme janë dëgjuar sërish palët, ku mbrojtja tha se “vrasja u krye në kushtet e mbrojtjes së nevojshme ndaj duhet të hiqet akuza për vrasje me dashje”. Ndërsa prokurorja Arta Marku kërkoi 20 vite burg për Hajdarajn. Kujtojmë se ish-efektivi i policisë, Nevaldo Hajdaraj u dënua në shkallën e parë ai u dënua me 15 vite burg.

Nevaldo Hajdaraj vrau Klodian Rashën në orët e mëngjesit të 8 dhjetorit 2020, ndërsa e qëlloi nga një distancë prej 5 metrash largësi. Pamjet filmike kryesore të sekuestruara nga prokuroria e Tiranës, tregonin qartë veprimin e ish-policit, i cili duket se u pozicionua për të qëlluar me armën e shërbimit në drejtim të personit që ai po ndiqte. Në filmim, sipas grupit të hetimit, dallohet se viktima është larguar me vrap. Ndërkohë nga një distancë shumë e afërt prej 5 metrash, ish-polici i pozicionuar i shtrirë në trotuar ka hapur dy herë zjarr drejt tij.

Hajdaraj u arrestua menjëherë, fillimisht me akuzën e vrasjes në kapërcim të kufijve të mbrojtjes së nevojshme, por hetimet zbuluan se vrasja është bërë me dashje dhe se mund të ishte evituar.

Vrasja e Rashës pasoi një valë protestash dhe tensionesh politike, duke çuar edhe në dorëheqjen e ish-ministrit të Brendshëm Sandër Lleshaj dhe në vendin e tij u emërua Bledi Çuçi

25-vjeçari Klodjan Rasha u shpall Dëshmor, ndërsa familjes iu lidh pension i përhershëm.

Vendimi i Gjykatës

Rendit zhvillimet sipas orarit:
Ora 14:46
Vrasja e Klodian Rashës, dënohet me 18 vite burg Nevaldo Hajdaraj

Gjykata e Apelit Tiranë ka dënuar me 18 vite burg Nevaldo Hajdarajan, i cili u shpall fajtor për vrasjen e Klodian Rashës. Për shkak të gjykimit të shkurtuar, dënimi i ulet në 12 vite burg

Ora 14:33
Seanca për Nevaldo Hajdarajn/ Mbrojtja: U vetëmbrojt! Prokurorja Marku: T'i hiqet gjykimi i shkurtuar, s'është i sinqertë

1608117144_NEVALDOHAJDARAJ750x497.png

Në seancën e zhvilluar sot për Nevaldo Hajdarajn, të akuzuar për vrasjen e Klodian Rashës, kanë folur palët. 
Pala mbrojtëse ka thënë se vrasja u krye në kushtet e mbrojtjes së nevojshme ndaj duhet të hiqet akuza për vrasje me dashje. 
Ndërsa prokurorja Arta Marku është shprehur se Hajdaraj duhet të dënohet me 20 vite burg pasi nuk është i sinqertë dhe vendimi i shkallës së parë ja ka pranuar padrejtësisht. 
Gjykata e Apelit është tërhequr për vendim. 
 

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Opgj: 16/03/2022 18:25

    Ju mund ti manipuloni provat si te doni se keni Dhe gurin dhe arren, por ai ka pase arme dhe ka qene shume i dhunshem, Kjo dihet boterisht! Dhe ne nje pike polici eshte i pafajshem. Por polici ka shume faj sepse ska perdor trurin, Kjo si falet. Gjithsesi , 18 vjet sdo beje rrini te qete, ndoshta 7-8 dhe i ben Se ska mundsi me teper as mik as lek! Ju po nxirrni kriminela me 20 vrasje per mungese provash, Si bandat tiranes, e elbasanit, e shkodres, e vlores. Keni gjet ca i keni be shembull.. dhe te tjeret po bejne partyyyy...

    Përgjigju
  • Une: 16/03/2022 18:02

    Ne Amerike e Evrope kishte dale i pafajshem polici.. ne shqiperi u be deshmore tjetri, arma i ra nje zogu nga sqepi aty prane nuk kishte lidhje me deshmorin.. shtet legen.

    Përgjigju
  • www.youngtribune.com: 16/03/2022 15:36

    Deshmor i atdheut nuk e kuptoj dot.A ma shpjegon njeri Pse?

    Përgjigju
  • Lui: 16/03/2022 15:23

    Denohet ky 18 vjet, dhe ai horri i Qazim Sejdinit denohet 12 vjet... Hajde drejtesi hajde..

    Përgjigju
  • Tirona: 16/03/2022 15:17

    Ky bq nga kamarier na u bo polic se njifte nja 2 njerëz kur policia udhëhiqej nga grupi Tepelen-Sarandë.Nji mallist ka qen por ska pas qen çun i keq.Gjithsesi kur uniformën e shtetit e vesh lloj lloj barrboni ene bohen trrima me armë ky ësht përfundimi.Ky nuk ësht asgjo..Dilni e boni nai kontrroll te rrajoni 3 ene shifni kush ësht polic ene bonin si horra me robt e thjesht për maska në rrugë e kur dilnin bisnesmenët pa maskë rreth 15 katëshit kto sumriqa ulnin kokën.Keni hy në gjynof me popullin por shum shpejt hakun do ju japim

    Përgjigju
    • Rajoni 1-2-3-4-5-6: 16/03/2022 18:28

      Po pse rajonet tjera si i ke o Tirona?! Komplet kontigjent, secili trafikant ka fut nga 5 vete Ne cdo drejtori e repart e garde e komisariat e renea.. Qe ti ket rrenjet te ngulura brenda, dhe ne fund, Lulezon krimi dhe trafiqet dhe normal parajs piset, Ska si mos te vdesin njerez te fajshem dhe te pafajshem.

  • Drejtesi: 16/03/2022 15:16

    Bravo denimin maksimal pothuajse

    Përgjigju
  • Sbeh: 16/03/2022 15:06

    Mos vrit tendin o njeri, sepse vritesh. Do e shikojme se si do ti beje ato vjet burg ky pjeshke.

    Përgjigju
  • KOLI: 16/03/2022 13:51

    LIROJENI QE TA VRASIN FAMILJA E RASHES,,,,NUK KA PSE JETON KY KRIMINEL EDHE NE BURG QOFTE....

    Përgjigju
    • Familja: 16/03/2022 18:32

      Te ishin per ta vra ato sdo ishin shit per lek buke, E shiten djalin e ndrruan me nje rroge dhe Per nje medalje pas vdekjes, pa lidhje hero i kombit... Nje drogaxhi rrugac lagje, vetem ne kte vend plere ndodhin kto gjera! Si azemin qe e vrane per hallet e pislleqet e veta Dhe e bene deshmor pastaj!!!

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia