VIDEO/Vriten dy oficerë policë në Belgjikë, dyshohet për një sulm terrorist

Katër persona të vrarë mes tyre dy policë. Ky është bilanci i sulmit më të fundit në Belgjikë që dyshohet se ka prapavijë terroriste. Jan Jambon ministër i Punëve të Brendshme të Belgjikës, tha se qendra kundra terrorizmit është duke monitoruar situatën.

Belgjika është goditur përsëri nga një sulm që dyshohet se ka prapavijë terroriste. Në qytetin Liege të Belgjikës dy oficerë policie janë qëlluar për vdekje sëbashku me një kalimtar, ndërsa dy persona të tjerë mbetën të plagosur.

Policia ekzekutoi edhe autorin e sulmit. Një person i armatosur hapi zjarr mesditën e të martës, në drejtim të policëve tek sa ata ishin duke patrulluar e më pas mori peng një grua.

LEXO EDHE:
Zyrtarë shqiptarë të përfshirë në dosjen 'SKY ECC' në Belgjikë, udhëtuan në Holandë për leje ndërtimi kulle në Tiranë

Forca të shumte policore që mbërritën në vendngjarje e neutralizuan autorin e sulmit. Autoritetet belge thanë se ata nuk e përjashtojnë mundësinë e një sulmi terrorist.

Ndërkohë mediat belge duke cituar dëshmitarët okularë raportojnë se agresori përpara sulmi bërtiti "llahu Ekber". Jan Jambon ministër i Punëve të Brendshme të Belgjikës tha se qendra kundra terrorizmit është duke monitoruar situatën.

Është akt terrorizmi apo jo kjo është pyetja që kemi mbi tavolinë e cila kërkon përgjigje. Të gjitha opsionet janë të mundshme. 

zëdhënës i qendrës kundra terrorizmit

Qyteti Liege ishte skenë e një tjetër sulmi terrorist në 2011 kur u vranë katër persona dhe 100 të tjerë u plagosën.

( Pamje nga vendi i ngjarjes në Belgjikë )

TAG:
• belgjike
• vriten 2 oficere

Sondazhi i ditës:

Sa i përhapur është korrupsioni në Shqipëri?

• Shumë

  84.7%

• Pak

  9%

• Nuk e di

  6.3%

Vota total: 3126

• Sondazhi i ditës:

  Sa i përhapur është korrupsioni në Shqipëri?

  Shumë Pak Nuk e di