Presidenti serb, Aleksandër Vuçiç, tha për televizionin proqeveritar ‘Prva’, se deri në fund të vitit Serbia do të marrë një ofertë të cilën nuk do të jetë në gjendje ta pranojë, por nuk do të guxojë ta refuzojë.
“Do të provojnë të na japin garanci për anëtarësim në Bashkimin Europian por me kusht që ta njohim Kosovën dhe do të ofrojnë status të posaçëm për serbët në fusha të caktuara”, tha presidenti serb, duke theksuar se për këtë do të pyes pastaj qytetarët e Serbisë me anë të referendumit.
Ai tha se tre vjet më parë kishte hedhur idenë e tij për këtë çështje por nuk ishte pranuar nga serbët, duke ju referuar idesë së tij për “vënien e kufirit ndërmjet serbëve dhe shqiptarëve”, që nënkuptonte ndarjen e Kosovës.
Në verën e vitit 2018 presidenti serb Vuçiç dhe presidenti i Kosovës, Hashim Thaçi folën për idetë e "korrigjimit të kufijve" apo "vënies së kufijve", që nga analistët janë interpretuar si synime për shkëmbim territoresh.
Në nëntor të vitit 2018, qeveria e ish kryeministrit të Kosovës, Ramush Haradinaj, I vendosi tarifa prej 100 për qind mallrave nga Serbia si kundërveprim ndaj fushatës serbe kundër shtetësisë së Kosovës.
Idetë për prekje kufijsh nxitën reagime të ndara edhe në skenën ndërkombëtare. Disa nga vendet e mëdha të BE-së kundërshtuan idetë e tilla që sipas tyre mund të nxisin reagime zinxhirore në rajonin e Ballkanit, që ende nuk është ripërtërirë nga luftërat e përgjakshme të fundit të shekullit të kaluar.
Shtetet e Bashkuara thonë se të dyja palët duhet të arrijnë një marrëveshje normalizimi e cila “në thelb duhet të ketë njohjen e ndërsjellë”.
Thirrjet për heqjen e tarifave janë shtuar pas formimit të qeverisë së re të kryeministrit Albin Kurti, i cili është zotuar të bëj një gjë të tillë, por duke i zëvendësuar tarifat me masat e reciprocitetit të plotë me Serbinë.
Krahas thirrjeve për heqjen e tarifave nga Prishtina, Shtetet e Bashkuara i kanë bërë thirrje Beogradit të ndalojë fushatën për tërheqjen e njohjeve të pavarësisë së Kosovës.
Lajme të tjera
-
Mali i Zi arreston ish-kryeprokurorin special
14 Prill, 13:39 -
Kosovë/ Policia kap automjetin me 10 kilogramë heroinë në Merdarë, me vlerë 200 mijë euro
7 Prill, 17:57 -
Disfatat në muajin mars, FIFA zbret Shqipërinë në renditje! Kosova në vend numëro, Anglia humb podiumin
4 Prill, 11:22
-
Mali i Zi goditet nga një tërmet 4.7 ballë
3 Prill, 14:00 -
Studentët e Fakultetit Juridik të Universitetit të Prishtinës në 3-shen më të mirë të botë! Lënë pas universitetin e Harvardit dhe Oksfordit
29 Mars, 23:01 -
Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë
29 Mars, 08:27 -
Mali i Zi, kritika ndaj votimit të deputetes Vukiçeviç kundër anëtarësimit të Kosovës në Këshillin e Evropës
28 Mars, 07:23 -
Në Mal të Zi paralajmërojnë votë kundër pranimit të Kosovës në Këshillin e Evropës
25 Mars, 12:26 -
Distria Krasniqi i jep tjetër medalje xhudos së Kosovës
23 Mars, 18:13 -
Begaj takim me presidentin e Malit të Zi: Diskutuam për përshpejtimin e anëtarësimit të Ballkanit Perëndimor në BE
23 Mars, 15:46 -
Kosova shpërdoron shumë, mposht 0-1 Armeninë me golin e Rashicës! Franco Foda sukses në debutim
22 Mars, 19:14 -
FOTO/ E turpshme, armenët kthejnë përmbys flamurin e Kosovës! Rashica iu shënon
22 Mars, 17:40
