VËZHGIMI i Report Tv: Të dielën GJITHÇKA mbyllur...Qytetarët dynden tregjeve të fruta-perimeve pa respektuar distancën

Shtetrrethimi i fundjavës ka bërë që qytetarët e Shkodrës të mbushin sot rrugët e qytetit për të bërë pazar, duke qenë se lëvizja do të lejohet vetëm të hënën dhe atëherë me mesazhe. Kjo ka bërë që tregjet të mbushen plot dhe të këtë një lëvizje të pakontrrolluar, me qytetarë të cilët nuk resptojnë masat mbrojtëse. Nga pamjet duket se qytetarët në Shkodër e kanë marrë ditën e sotme si të ishte e zakontë. Situata duket e ngjashme me Elbasanin dhe Fierin, aty ku nuk mungonin rradhët e gjata, me qytetarë që nuk respektojnë masat mbrojtëse.

Qytetaret e Elbasanit kanë dalë ditën e sotme për të bërë pazaret e tyre pasi dita e nesërme dhe e diela do jetë e gjitha në karantin.

Problem është tregu i fruta perimeve (markata), e cila siç duket nga pamjet qytetarët nuk respektojnë distancën që duhet të mbajnë nga njeri-tjetri dhe është dashur ndërhyrja e policisë bashkiake që të mbajnë distancë nga njeri-tjetri.

Radhë ka dhe në furrat e bukës, ndërsa në supermareke qytetarët futen një nga një pasi në momentin që futen duhet të dizinfektojnë duart.

Sakaq disa qytetarë të tjerë kane zgjedhur të bëjnë xhiron e tyre duke shijuar motin me diell.

Në qytetin e Fierit ditën e sotme ka patur shumë lëvizje, kryesisht të automjeteve, të cilët janë përdorur nga qytetarët për të bërë furnizimet duke patur parasysh se e shtunë pasdite duke filluar nga ora 13:00 dhe deri të hënën në orën 05:00, gjithçka do të jetë e mbyllur. Si rrjedhojë radhët në dyqane apo subjekte të tjera që ofronin shërbime nuk kanë munguar. Madje as rastet kur qytetarët nuk respektonin masat e sigurisë.

Sakaq pak a shumë e njëjta situata ka qenë edhe në Kukës ku qytetarët janë dyndur drejt marketeve, tregjeve, farmacive, për të bërë blerjet. Vihet re se shumë qytetarë nuk e respektojnë masë e sigurisë dhe kanë qenë të papajisur me maska dhe doreza.