Wolfsburgu eliminon Kukësin, Gega i dëshpëruar: Bëmë dhurata (VIDEO-GOLAT)

Në Europë flamurin shqiptar do vijojë ta mbrojë vetëm Tirana. Teuta, Laçi e më pas edhe Kukësi u eliminuan në turin e dytë të Europa League. Rivalët ishin shumë të fortë dhe skuadrat tona nuk arritën të bënin dot mrekullinë. Volfsburgu e mposhti Kukësin 4-0 në Tiranë dhe për trajnerin Skënder Gega lojtarët bënë dhurata.

Trajneri i Kukësit deklaroi pas ndeshjes: “ E kishim vlerësuar ekipin kundërshtarë por bëmë dhurata dhe kjo ishte ajo që nuk duhet të bënim. Prandaj më vjen keq për futbollistët”.

Ndërsa Presidenti i nderit i Kukësit Safet Gjici shtoi: “ Penalltia e humbur në pjesën e parë ndikoi shumë. Në pjesën e parë ishim më mirë por në pjesën e dytë rivalët u treguan më të fortë. Gjithsesi ndeshja mund të dilte edhe barazim” e mbyll Gjici.

Laçi pësoi eliminimin më dramatik nga Hapeol Ber Sheva. Kurbinasit kryesonin deri në minutën e 90-të dhe në shtesë izraelitët përmbysën gjithçka duke fituar 2-1. Edhe Granada rezultoi shumë e fortë për Teutën. Spanjollët fituan 4-0 në Durrës me “djemtë e detit” që ishin në një ditë Jo.Për Teutën, Laçin e Kukësin aventura evropiane mbyllet në turin e dytë.

Përgatiti: Andi Kapxhiu

er.k./r.k./Shqiptarja.com

TAG:
• europa league
• wolfsburg