Ylli i grupit 'Roxette' humb betejën me kancerin, ndërron jetë në moshën 61-vjeçare

Ylli i grupit “Roxette”, Marie Fredriksson ka ndërruar jetë në moshën 61-vjeçare, pasi vuante prej kohësh nga tumori.

Këngëtarja suedeze që bëri përvete të gjithë publikun me hitin e saj “It Must Have Been Love” vuante nga një sëmundje e rëndë prej vitesh.

Menaxheri i saj ka lajmëruar se ajo u nda nga jeta në spital, mëngjesin e djeshëm.

“Me dhimbje të madhe na duhet të lajmërojmë se një nga artistet tona më të dashura dhe më të mëdha nuk është më”, është shprehur menaxheri i saj.

Dyshja nisi me hite në Suedi, derisa një student amerikan e mori albumin e tyre të dytë në Minneapolis, dhe ia dorëzoi një stacioni radioteleviziv dhe që prej atëherë ata u bënë një sukses më vete në SHBA.

Duke filluar me “The Look” në vitin  1989, ata kishin katër hite në SHBA, “Ndëgjoni Zemrën Tuaj”, “Joyride” dhe baladën e fuqishme “Ajo Duhet të ketë qenë Dashuria”, e cila gjithashtu arriti në vendin e tretë  në Mbretërinë e Bashkuar dhe ishte e përfshirë në kolonën zanore të “Pretty Woman”.

Ata shitën 75 milionë disqe në të gjithë botën dhe regjistruan 10 albume në studio.

Fredriksson gjithashtu publikoi  ​​8 albume solo, tre prej të cilave kryesuan në listat suedeze.

 Në maj të vitit 2018, ajo publikoi një single të ri, “Sing Me a Song”, për ditëlindjen e 60-të.

Fredriksson u trajtua dhe u shërua nga tumori në tru dhe  ajo performoi në vitin 2009.

"Ajo nuk kishte vetëbesim dhe tha që nuk mund të këndonte më. Por ajo hipi në skenë gjithsesi  dhe audienca thjesht vdiq ... njerëzit po qanin në të majtë e të djathtë.

Më pas ajo ishte si një person krejt tjetër dhe dy javë më vonë ajo më thirri duke pyetur nëse dua të shkruaj një album tjetër Roxette. Ata përfunduan duke lëshuar edhe tre, me albumin e tyre të fundit, “Good Karma”, të publikuar në qershor të vitit 2016”, është shprehur Gessle.

Fredriksson ishte e martuar me prodhuesin e muzikës Mikael Bolyos, në vitin 1994, dhe ka dy fëmijë,  Josefin Bolyos, 26 vjeç, dhe Oscar Bolyos, 23 vjeç.

Marie Fredriksson

TAG:
• kanceri
• ndërron jetë
• roxette
• marie fredriksson