COVID-19/Yuri Kim: Mbani maskë kur mungon distancimi! Dhe unë se mbaj ndonjëherë, por nuk është vonë për të bërë gjënë e duhur

Ambasadorja Yuri Kim ka dhënë një mesash për të gjithë shqiptarët në këtë periudhë pandemie duke i këshilluar të mbajnë maskën mbrojtëse atëherë kur distanca sociale nuk është e mundur. Përmes një video-mesazhi shpërndarë në twitter, Ambasadorja e SHBA,Yuri Kim thotë se sot, më shumë se kurrë, njerëzit duhet të tregohen të përgjegjshëm dhe të mbrohen nga ky virus.

"Masat e rrepta kanë ndihmuar në kontrollin e virusit, por tani nuk është koha për t’u çlodhur, Unë do të vendos maskë për ty, nëse ti do të vendosësh maskë për mua”,  shprehet Kim, e cila  pranon se ndonjëherë edhe ajo vetë nuk e ka vendosur maskën, por  që nuk është kurrë vonë për të bërë gjënë e duhur.

“Ne kemi bërë një rrugë të gjatë, por lufta kundër COVID-19 ende nuk ka mbaruar. Masat e rrepta kanë ndihmuar në kontrollin e virusit, por tani nuk është koha për t’u çlodhur. Tani më shumë se kurrë ne duhet të bëhemi të përgjegjshëm. Le të bëjmë të gjithë pjesën tonë për njëri-tjetrin. Unë do të vendos maskë për ty, nëse ti do të vendosësh maskë për mua. E pranoj se ndonjëherë jam fajtore sepse nuk e kam vendosur maskën por nuk është kurrë vonë për të bërë gjënë e duhur. Prandaj, kur distancimi social nuk është i mundur, le të vendosim maskat dhe t’a mposhtim COVID-19 së bashku”, shprehet Yuri Kim.

/r.k./Shqiptarja.com

TAG:
• Yuri Kim
• Koronavirus
• koronavirus ne shqiperi