Zgjedhjet/ Ndërkombëtarët bindin Bashën pas 60 min takim, opozita kërkon mbledhjen e Këshillit Politik nesër në 10:00

Pas takimit me ambasadorët në Shqipëri, opozita jashtëparlamentare ka kërkuar mbledhjen e Këshillit Politik nesër në orën 10:00.

Zëvendës ambasadorja amerikane, Leyla Moses Ones, ambasadori i BE-së, Luigi Soreca dhe ambasadori Britanik, Duncan Norman kanë qëndruar 60 minuta në selinë blu ku zhvilluan takim me kreun e PD-së, Lulzim Basha. Në takim ka qenë i pranishëm edhe Petrit Vasili i LSI-së.

"Në vijim të mbledhjes së ditës së hënë, me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit, kërkojmë:

Thirrjen e mbledhjes së Këshillit Politik nesër, e mërkurë, në orën 10:00.

Në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR. Përsa më lart, mbetemi në pritje të konfirmimit tuaj për mbledhjen e ditës së nesërme" shkruhet në letrën zyrtare të dërguar nga Oerd Bylykbashi dhe Petrit Vasili.

Burime për Report Tv shprehen se takimi me ndërkombëtarët është thirrur nga kryedemokrati dhe në fokus të diskutimit ka qenë reforma zgjedhore dhe ndryshimet në kodin zgjedhor ku do të përcaktohen koalicionet dhe listat e hapura.

Ky takim vjen një ditë pas mbledhjes së Këshillit Politik kur të dyja palët sërish nuk kanë gjetur "pika" të përbashkëta për listat 100 % të hapura dhe implementimin e ndryshimeve kushtetuese në kodin zgjedhor.

Përfaqësuesi i PS-së në këshill, Damian Gjiknuri i ka vendosur një afat opozitës së bashkuar për të paraqitur një listë të përbashkët kandidatësh deri të premten (18 shtator).

Ndërsa këta të fundit kanë kthyer sytë nga ODIHR-i ku kërkojnë konsultim.

Rendit zhvillimet sipas orarit:
Ora 16:53
Pas takimit me ambasadorët, opozita kërkon thirrjen e mbledhje së Këshillit Politik

Ambasadorët kanë zhvilluar një takim me kreun e PD-së, Lulzim Basha dhe Petrit Vasili i LSI-së.

Pas takimit, opozita ka kërkuar thirrjen e mbledhjes së Këshillit Politik.

"Në vijim të mbledhjes së ditës së hënë, me qëllim gjetjen e konsensusit për kërkesën e Opozitës së Bashkuar, për marrjen e ekspertizës së OSBE/ODIHR, për çështjet që nuk biem dakord në Këshillin Politik, siç parashikohet edhe në Marrëveshjen e 14 Janarit, kërkojmë:

Thirrjen e mbledhjes së Këshillit Politik nesër, e mërkurë, në orën 10:00.

Në këtë mbledhje Opozita e Bashkuar do të prezantojë kërkesën për marrjen e ekspertizës së OSBE/ODIHR. Përsa më lart, mbetemi në pritje të konfirmimit tuaj për mbledhjen e ditës së nesërme" shkruhet në letrën zyrtare të dërguar nga Oerd Bylykbashi dhe Petrit Vasili.

Ora 15:02
Trojka e ambasadorëve mbërrin në selinë blu (FOTO)

Në selinë blu kanë mbërritur edhe zëvendës ambasadorja amerikane, Leyla Moses Ones, ambasadori i BE-së, Luigi Soreca dhe ambasadori Britanik, Duncan Norman ku do të zhvillojnë një takim me kreun e PD-së, Lulzim Basha.

Ora 15:01
Takimi me Bashën, Petrit Vasili mbërrin në selinë blu

Petrit Vasili ka mbërritur në selinë blu ku do të zhvillojë një takim me kreun e PD-së, Basha. Në takim do të jenë të pranishëm edhe zëvendës ambasadorja amerikane, Leyla Moses Ones, ambasadori i BE-së, Luigi Soreca dhe ambasadori Britanik, Duncan Norman.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të dënuarit në Vlorë peticion deputetëve të Kuvendit: Miratoni amnistinë penale

Të dënuarit në Vlorë peticion deputetëve të Kuvendit: Miratoni amnistinë penale