Zbardhet dokumenti i Apelit, mësohet arsyeja pse Juventusi u dënua me -10 pikë

Zbardhet dokumenti i Apelit, mësohet arsyeja pse Juventusi u dënua me -10 pikë

Stadiumi i Juventusit

Gjykata Federale e Apelit në Itali dënoi me -10 pikë nga renditja e këtij sezoni Juventusin, kjo për shkak të bilanceve të rreme dhe faturave jo të sakta tatimore, me manovrat që nxorën në pah lëvizjet e dyshimta të drejtuesve të Zonjës.

Tanimë është mësuar edhe arsyeja e dënimit dhe -10 pikë. Sky Sport bën me dije se dënimi me kaq pikë vjen për "kontributin" e ish-drejtuesve. Secili sipas fajit ka kontribuar në heqjen e kaq pikëve për bardhezinjtë.

Në arsyet e -10 pikëve për çështjen e fitimeve kapitale, në vendim thuhet se "për të përcaktuar masën e dënimit që do të vendoset ndaj Juventusit, është e nevojshme t'i referohemi në një këndvështrim krahasues, kontributit shkakor të secilit prej ish-drejtuesve, bazuar në rolin e luajtur në çështjen në fjalë dhe sanksionet e vendosura ndaj katër drejtorëve operativë, përfshirë edhe ish-presidentin, Andrea Agnelli".

Prandaj, për Gjykatën Federale të Apelit, dënimi 30-mujor i Paratici-t peshon katër pikë dënimi, 24-mujori i Agnelli-t dhe Arrivabene-së respektivisht tre dhe dy pikë, ndërsa ndalimi 16-mujor i Cherubini-it vlen një pikë për një total prej minus dhjetë pikësh.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit

Zgjedhja e kryetarit në Himarë, nis me tensione mbledhja e Këshillit Bashkiak në Vlorë! Banorët thirrje greqisht kundër Tavos dhe Klosit