Zbardhet takimi Rama-Meta, Kryeministria: Bisedimet do të vazhdojnë

Presidenti Ilir Meta dhe Kryeministri Edi Rama

Zyra e shtypit në kryeministri jep të dhëna mbi takimin e zhvilluar në presidencë mes kryeministrit Edi Rama dhe presidentit Ilir Meta. Kryeministria sqaron se takimi ka qenë në frymën e një bashkëbisedimi të hapur dhe konstruktiv. 

"Me kërkesë të tij, Kryeministri u takua me Presidentin e Republikës, për të diskutuar rreth përmbajtjes së letrës së këtij të fundit mbi propozimin për dekretimin e Gjeneral Sandër Lleshit si Ministër i Brendshëm. Bashkëbisedimi ishte i hapur e konstruktiv dhe kryeministri do të vijojë komunikimin me Presidentin e Republikës."-thuhet në këtë reagim.

Reagimi i zyrës së shtypit, vjen pas një takimi prej 90 minutash që u zhvillua mes kryeministrit Rama dhe presidentit Meta pas mosdekretimit nga ky i fundit për gjeneral Sandër Lleshin si ministër i Brendshëm.


Lajmi kryesor:

Mosdekretimi i Lleshit, Rama takim kokë më kokë me Metën në presidencë (Foto+Video)


/b.ha./Shqiptarja.com
  • Sondazhi i ditës:

    Ju duket i drejtë ndëshkimi deri në 15 vite burg për ata që thyejnë karantinën?