Në jahtin e gjetur pak ditë më parë 12 milje larg Shëngjinit, Policia Kufitare gjeti disa dokumenta që mbanin emrin e një shtetasi turk, Sevgin Javuz. Ajo hodhi dyshimet se ai mund të ishte pronari i mundshëm, por pa arritur t’a konfirmojë dot për shkak se në jaht nuk ndodhej askush.
Për turkun Sevgin Javuz, policia ka nisur kërkimet, në bashkëpunim me homologët e saj në Ankara si dhe me Interpol Tirana.
Por, Top Channel, ka arritur të zbulojë se kush është pronari i jahtit të quajtur Atik Bey, i cili është ankorur në portin e Shëngjinit. Ne kontakuam me kompaninë Tur Marine në Turqi, e cila rezulton se jahtin e ka shitur vitin e shkuar tek një biznesmen turk. Nga të dhënat e monitorimi të lundrimit të mjeteve, jahti Atik Bey, në datën 30 gusht ka qenë në Budva.
Po në këtë datë, në Budva të Malit të Zi, ka qenë edhe pronari i saj, Nedim Akyuz, i cili ka postuar një foto të tijën në Instagram. Javën e fundit të gushtit, jahti ‘Atik Bey’, ka qenë duke lundruar në ujërat territoriale të Kroacisë, siç shihet në foton e destinacioneve të regjistruara nga Vessel Finder. Në datën 24 gusht, Nedim Akyuz, ka hedhur një tjetër foto në Instagram duke lundruar në detin poshtë një ure në Kroaci, e cila quhet ura KRKA.
Një tjetër sistem monitorimi i cili regjistron lundrimet e mjeteve detare, tregon që në datën 3 korrik të këtij vitit, jahti Atik Bey, ka qenë në NAXO të Greqisë. Po në të njëjtin vend dhe në të njëjtën datë, pronari i saj Nedim Akyuz ka hedhur një tjetër foto në rrjetin social instagram. Vitin e kaluar, kompania që ka shitur Jahtin e llojit kataraman, ka postuar një fotot të tijën, ku është përmendur edhe emrin e jahtit dhe të pronarit të saj.
Më pas, e njëjta kompani ka postuar një video në instagram ku shkruhet emri i jahtit dhe shihet dikush që luan golf mbi të. Sipas kërkimeve, ai rezulton të jetë Nedim Akyuz. Ky i fundit, nga kërkimet rezulton se është biznesmen në fushën e tekstileve i cili e zhvillon aktivitetin e tij në Turqi. Ajo çka ende mbetet mister është nëse ka qenë Sevgin Yavuz i cili drejtonte jahtin atë ditë, apo ka qenë dikush tjetër./TCH
Nedim Akyuz është pronari i jahtit ‘Atik Bey’ i cili u gjet i braktisur në Shëngjin. Ende nuk është zbuluar nëse ka qenë pikërisht ai që po drejtonte jahtin në ditën që u gjet i braktisur, apo ka qenë dikush tjetër. Megjithatë, ajo që dihet është se ky jaht është ndalur në ujërat shqiptare. Referuar një postimi që ai ka bërë në rrjetet sociale më 21 qershor, Akyuz ka publikuar të gjithë intenerarin që ka ndjekur, duke u nisur nga Turqia, për të kaluar në Greqi, Shqipëri dhe në fund Mal i Zi.
Ky është intenerari që ndoqi pronari i jahtit të braktisur në Shëngjin
Lajme të tjera
-
VIDEOLAJM/ Ndërtimi i kampit në Gjadër, Italia sjell materiale dhe mjete të rënda përmes Portit të Shëngjinit
8 Prill, 17:01 -
Legalizuan pallatin pa leje në Lezhë, Prokuroria dërgon për gjykim 4 zyrtarët e Kadastrës
5 Prill, 11:00
-
50-vjetori i Bazës Detare të Shëngjinit, ish-oficeri: Të rihapet baza për mbrojtjen e kufijve
25 Mars, 11:52
-
Italia hap tender, si do të garantohet ushqyerja dhe menaxhimi i emigrantëve në Shqipëri! Qendra do jetë gati më 20 maj
25 Mars, 09:11 -
Mbytet 2 vjeçari afgan në Shëngjin! U shkëput nga prindërit dhe ra në shatërvanin e kompleksit ku qëndrojnë
18 Mars, 17:00
-
Detaje nga aksidenti në Lezhë, parakalimi i gabuar i mori jetën francezit! Kishte 15 vite që jetonte në Shëngjin
16 Mars, 10:44
-
Bie numri i lindjeve në Lezhë, mjekja: Gratë afgane lindin më shumë fëmijë se shqiptaret
3 Mars, 15:41
-
Rritja e temperaturave, dyndje vizitorësh në Shëngjin! Bregdeti popullohet edhe nga shqiptarët e Kosovës
18 Shkurt, 16:27
-
Qeveria në Shëngjin, Kikia: Rama filloi fushatën për zgjedhjet e 2025-ës! Nesturi: Shtrëngon ‘vidat’ e qeverisjes
9 Janar, 19:10 -
Shisnin kanabis pranë shkollave në Shëngjin, 2 të arrestuar, nën hetim dhe 2 të mitur
18 Dhjetor 2023, 14:27 -
‘Privatizuan’ bazën ushtarake të Shëngjinit, Gjykata e Lartë lë në fuqi sekuestron preventive ndaj ndërtimeve të jashtëligjshme
27 Nëntor 2023, 15:47 -
Lezhë/ U bllokuan 4 vite më parë! Sipërmarrësit kërkojnë të ndërtojnë hotele në Shëngjin! I kërkojnë qeverisë të zhbllokojë lejet e ndërtimit
20 Nëntor 2023, 17:28
