Zëvendësimi i Malajt në BSH/ Kuvendi hap garën: Të interesuarit të dërgojnë dokumentet deri në 16 qershor

Zëvendësimi i Malajt në BSH/ Kuvendi hap garën: Të interesuarit të dërgojnë dokumentet deri në 16 qershor

Arben Malaj

TIRANË- Kuvendi i Shqipërisë pas shkarkimit nga detyra të Arben Malajt, nga posti i anëtarit të Këshillit Mbikëqyrës të Bankës së Shqipërisë, ka shpallur vendin vakant për pozicionin që tashmë është bosh. Duke qenë se shkarkimi i ish ministrit të Financave Arben Malaj, u propozua nga Kuvendi, ai ka edhe detyrimin ligjor për të bërë plotësimin e vendit vakant, për këtë post.

Të gjithë personat e interesuar për këtë post do të vazhdojnë detyrën brenda afatit të mbetur të anëtarit që ka zëvendësuar. Arben Malaj ka qenë anëtar i Këshillit Mbikëqyrës të Bankës së Shqipërisë që prej vitit 2016, dhe më pas u riemërua në detyrë në muajin dhjetor të vitit 2018.

Të gjithë të interesuarit do të kenë afat deri më 16 qershor për të paraqitur dokumentacionin e nevojshëm, për të kandiduar për këtë vend vakant.

Shkarkimi i Malaj u miratua nga Kuvendi në 18 dhjetor të vitit të kaluar pasi ai ishte i pezulluar nga detyra me Vendim të Këshillit të Ministrave. Fillimisht kërkesa për shkarkimin e tij u bë nga deputetet socialist të cilët, argumentonin se Malaj kishte shkelur kodin etik të bankës së Shqipërisë pasi kishte mbajtur deklarata dhe qëndrime politike.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Të hapur për takime të reja...çfarë thonë yjet për ju sot

Të hapur për takime të reja...çfarë thonë yjet për ju sot