Zgjedhjet e pjesshme vendore, Berisha flet si drejtues i PD: Hapim primaret në parti, hyjmë në zgjedhjet në 6 bashki

Zgjedhjet e pjesshme vendore, Berisha flet si drejtues i PD: Hapim primaret në parti, hyjmë në zgjedhjet në 6 bashki

Sali Berisha

Sali Berisha nuk është më kryetar i PD-së, e megjithatë kjo nuk e pengon atë të sillet si drejtues i partisë më të madhe opozitare në vend, teksa ka deklaruar se do të hyjnë në zgjedhjet e pjesshme vendore në 6 bashki.

Me një njoftim për mediat, i ashtëquajturi Komisioni i Rithemelimit, i ngritur nga Berisha bëri me dije se ata vendosën sot hapjen e procesit të primareve brenda PD për përzgjedhje e kandidaturave për secilën nga bashkitë, duke theksuar se procesi do të finalizohet me datë 30 janar, ndërsa afati për paraqitjen e kandidaturave është deri më 24 janar.

Sipas tyre, eidentimi i kandidatëve do të bëhet në përputhje me statutin e PD, nëpërmjet vetëpropozimit, propozimit nga anëtarësia dhe nga organet qendrore të PD.

"Duke ndjekur situatën politike për zgjedhjet e pjesshme, Komisioni i Përkohshëm i Rithemelimit në emër të Partisë Demokratike deklaron se do të jetë pjesë e këtyre zgjedhjeve për tu dhënë shqiptarëve mundësinë për tu përfaqësuar në qeverisjen vendore me kapacitetet më të mira të vendit.

Komisioni i Përkohshëm i Rithemelimit vendosi sot hapjen e procesit të Primareve brenda PD për përzgjedhjen e kandidaturave më të mira për secilën nga bashkitë në garë.

Nga sot, në të gjitha bashkitë ku do të hapet gara, Partia Demokratike fillon punën për evidentimin e kandidatëve. Procesi i përzgjedhjes do të finalizohet në datën 30 Janar 2022 sipas parimit “të primareve”.

Në përputhje me statutin e PDSH neni 12 dhe 38 kandidatët mund të evidentohen:

Me vetëpropozim;
Propozim nga anëtarësia;
Propozim nga organet qendrore të PDSH.

Kandidatët duhet të jenë personalitete me autoritet të lartë politik, profesional dhe shoqëror.

Dokumentacioni i nevojshëm duhet të paraqitet pranë Komisionit të Rithemelimit të PD dhe duhet të përmbajë CV profesionale dhe politike të kandidatëve si dhe formularin e vetëdeklarimit për pastërtinë e figurës së kanditatit.

Afati për paraqitjen e kandidaturave është data 24 Janar 2022 ora 00:00", thuhet në njoftim.

Nuk ka ende një reagim të PD-së zyrtare në lidhje me këtë deklaratë të Grupit të Rithemelimit.

Ndërkohë Presidenti Ilir Meta nuk ka dekretuar ende një datë për mbajtjen e zgjedhjeve, ndërsa datat e diskutuara janë 27 shkurti dhe 6 marsi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti

Maqedoni e Veriut/ Ziadin Sela i bashkohet koalicionit të drejtuar nga Ali Ahmeti