Shpallen anëtarët e rinj të Asamblesë Kombëtare të PS, rizgjidhet Vangjush Dako e Qazim Sejdini! Gratë përbëjnë 45.2% (Emrat)

Kongresi i PS ka zgjedhur anëtarët e ri të Asamblesë Kombëtare të Partisë Socialiste. Pjesëmarrja në votim ka qenë 85.3% ose ndryshe votuan 1242 delegatë nga 1456 të tillë. Këto votime treguan edhe një herë rritjen e përfaqësisë së vajzave/grave në strukturat e partisë, të cilat do të përbëjnë 45.2% të Asamblesë Kombëtare, një nga kërkesat kryesore që u theksuar me zë të fortë nga të gjithë në të 3 ditët e kongresit.

Mes 135 delegatëve të zgjedhur janë rikonfirmuar edhe emrat e Vangjush Dakos në Durrës dhe Qazim Sejdinit në Elbasan. Edhe pse ata nuk u rikandiduan në zgjedhjet lokale si kryebashkiakë të Durrësit dhe Elbasanit, mundën të siguronin votat për t’u zgjedhur anëtarë të Asamblesë së PS për 2020. Ndërsa mes delegatëve në Tiranë janë dhe numri i dy i bashkisë Tiranë, Arbër Mazniku dhe ish ambasadori shqiptar në Ankara, Genti Gazheli, Sonila Qato dhe Artan Lame.

Edhe Afrim Qendro, ish kreu i ARRSH  i përfshirë në aferën e Unazës së Re do të jetë anëtar i Asamblesë së Partisë Socialiste për të përfaqësuar Vlorën. Mes emrave që nuk do të jenë anëtarë të Asamblesë së PS janë dhe Sadri Vorpsi dhe Elona Gjebrea.

Votimi për zgjedhjen e delegatëve socialistë në të gjithë vendin, u zhvillua të shtunën në ditën e 2-të të Kongresit të PS, ku kryeministri Rama kërkoi një mandat të tretë me 800 mijë vota, ndërsa u bëri thirrje socialistëve të forcojnë lidhjen e tyre me qytetarët.

( Kliko këtu ) Lista e plotë

 

/b.ha./Shqiptarja.com

TAG:
• qazim sejdini
• vangjush dako
• kongresi i ps