Zhdukja e 3 të rinjve në Malësinë e Madhe, Klementi dhe Vilsoni mund të jenë ekzekutuar nga Danjel Pepaj për vjedhjen e 50 kg marijuanë! Të rinjtë u zunë një ditë para

Dyshohet se prishja e pazareve dhe vjedhja e 50 kg marijuanë është bërë shkak i zhdukjes së tre kushërinjve prej tre ditësh në Malësinë e Madhe. Sipas burimeve për Report Tv, grupi  hetimor ka  dyshime të forta se dy djemtë Klement Pepaj, 21 vjeç dhe Vilson Çutaj, 37 vjeç, janë ekzekutuar nga Danjel Pepaj, 25 vjeç.

Sherri mes tyre dyshohet se ka nisur për disa parcela droge, ku Danjel Pepaj ka thërritur kushërinjtë e tij Vilson Çutaj dhe Klement Pepaj që të sqaroheshin dhe nga ku mendohet se mund t'i ketë ekzekutuar. Sipas burimeve mendohet se të dy trupat mund të jenë groposur duke e bërë edhe më të vështirë gjetjen e tyre.

Report Tv mëson se Danjel Pepaj është parë në Shkodër duke lëvizur me një automjet të shtunën në mbrëmje, ndërsa më pas mund të jetë larguar drejt Malit të Zi. Policia ende nuk ka asnjë të dhënë tjetër nga personi që dyshohet si autori i ekzekutimit të dy të rinjve.

Gjithashtu mësohet se një ditë para zhdukjes, në datën 2 tetor 2020 Klemend Pepaj dhe Vilson Çutaj, kanë dhunuar fizikisht, Danjel Pepaj. Dyshohet se sherri ka ndodhur pikërisht për prishjen e pazarit të drogës, por nuk lihet mënjanë edhe pista se sherri mund të ketë nisur për një femër.

Në banesat e tre personave të zhdukur është kryer kontrolli i banesave dhe nuk janë gjetur sende të paligjshme si drogë dhe armë. Po kështu, është kontrolluar me imtësi zona ku mendohet se është kryer ekzekutimit por nuk ka as gëzhoja dhe as detajet të tjera që të mund të ndihmojnë hetimet.

Gjatë kontrolleve policia nuk ka mundur të gjejë në zonë qoftë dhe një parcelë hashashi, nga ku mund të dyshohet bindshëm se ngjarja lidhet ngushtësisht me prishjen e pazareve të drogës.

Deri tani policia ka marrë në pyetje shumë persona, mes tyre dhe familjarët e tre të rinjve të zhdukur, të cilët kanë deklaruar të dhëna kontradiktore, për këtë çështje.

Klement Pepaj, Vilson Çutaj dhe Danjel Pepa

Babai i Klement Pepaj është shprehur për mediat se djali i tij nuk ka pasur asnjë konflikt në dijeninë e prindërve. Por i ati dyshon se ai është vrarë nga Danieli kjo pasi banorë të zonës e kanë parë këtë të fundit të qarkullonte me automatik. Sipas prindërve, Klementi kishte një vit që ishte kthyer nga Zvicra pasi ishte ekstraduar prej andej dhe aktualisht punonte në një kioskë. Një ditë përpara se të raportohej i zhdukur, Klementi kishte dalë me Vilsonin për kafe por nuk ishin kthyer më. Djalin ma kanë ekzekutuar, ai zihej me kushëririn sepse i ngacmonte vajzat në lokal, ndërsa lekë me bollëk s’kam parë, por as xhepat s’ia kam kontrolluar.

Rendit zhvillimet sipas orarit:

Të Fundit Të Parat

/b.ha./Shqiptarja.com

TAG:
• ekzekutimi
• malesia e madhe
• Klement Pepaj
• vilson cutaj
• danjel pepaj