X

POP 5

Lajmet më të lexuara të 5 minutave të fundit

Kronikë

Zhdukja misterioze e biznesmenit turk/ SHISH e Krimet e Rënda në bordin e jaht-it, në 'sitë' edhe linjat e drogës

Familjarët e biznesmenit turk të zhdukur në Adriatik në mënyrë misterioze vijnë në Shqipëri të marrin anijen ATIKA BEY Yaht, ndërsa Report Tv mëson se ndër pistat e hetimit është edhe ajo e një ekzekutimi mafioz për trafikun e drogës në Ballkan e Europë. Pjesë e këtyre hetimeve është janë bërë Krimet e Rënda dhe SHISH.

Krimet e Rënda dhe Shërbimi Informativ Shtetëror bëhen pjesë e hetimeve për zhdukjen misterioze të biznesmenit turk Sevgin Yavuz në ujërat territoriale shqiptare. Dy ditë më parë një peshkarexhe e cila kthehej në portin e Shëngjinit njoftoi se afro 11 milje nga Rodoni kish pikasur një jaht por pa persona në bord.

Report Tv ka mësuar nga hetuesit se për herë të fundit kjo anije është regjistruar në portin e Tivarit në Malin e Zi, aty ku Yavuz ka qendror për disa ditë dhe në datën 2 shtator është larguar prej aty. Dhe sinjali i fundit i përket 17.42 minuta në afërsi të Budvas ku dhe më pas komunikimi i tij me radar është fikur. Ai nuk ka pasur një itinerar Shqipërinë por jaht i mbetur i fikur dhe pa drejtues është zhvendosur nga erërat drejt vendit tonë.

Dyshimet e para të hetuesve është se kemi të bëjmë me një ngjarje aksidentale por itinerari i përshkruar nga biznesmeni ka shtuar edhe pistën e një eleminimi nga grupe kriminale të përfshira në një trafik droge. Ndalur tek anija luksoze e regjistruar me flamurin turk me të dhënat ATIKA BEY dhe targë YM 9896 do ti kthehet familjarëve të Yavuz të cilët janë nisur tashmë drejt Shqipërisë.

Disa gjurmë të gjetura në brendësi të jaht-it si dhe disa dokumente mes tyre pasaporta e shtetasit turk do të analizohen për të kuptuar në qoftë se ai ka qenë i vetëm apo jo.Një tjetër detaj që ka bindur hetuesit për thellimin e këtij hetimi është fakti se anija s'ka asnjë defekt teknik dhe po ashtu ishte e mbushur me karburant për një udhëtim më të gjatë se drejt Shqipërisë.

Ndërsa ndër udhëtimet e fundit të këtij jahti rezulton se janë disa porte italiane dhe porti Tivar në Mal të Zi.

Rendit zhvillimet sipas orarit:
Ora 19:10
Zbulohet fotoja/ Ja kush është pronari i jahtit turk i braktisur në Shëngjin

Report Tv ka siguruar foton e pronarit të jahtit i cili u gjend i braktisur në det të hapur në Shëngjin. Ai është Sevgin Yavuz 31-vjeç, biznesmen i famshëm turk. Ende janë të paqarta se si ka ndodhur ngjarja dhe fati i të riut.

B.K./Shqiptarja.com

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Sulmi ndaj Izraelit/ BE: Sanksione të reja ndaj Iranit! Michel: Është kërcënim për të gjithë rajonin, duhet ta izolojmë

Sulmi ndaj Izraelit/ BE: Sanksione të reja ndaj Iranit! Michel: Është kërcënim për të gjithë rajonin, duhet ta izolojmë

18 Prill, 07:46