Zhvlerësohen valutat, Konfindustria: Të ulet çmimi i karburantit, treg oligopol

Zhvlerësohen valutat, Konfindustria: Të ulet çmimi i karburantit, treg oligopol

Foto ilustruese

Çmimi i karburantit në vend duhet të ulet, thotë Konfindustria, për shkak se monedhat e huaja janë zhvlerësuar. Në një reagim zyrtar, Konfindustria thotë se edhe pse leku është forcuar në nivele historike, përsëri çmimi i karburantit nuk ka pësuar ulje. Shkak për këtë situatë thuhet në njoftim është tregu i organizuar në formën e kartelit dhe oligopolit si edhe mosveprimi i institucioneve për të rregulluar këtë situatë.

Reagimi vijon më tej duke thënë se Shqipëria ka çmimin më të lartë të karburanteve në rajon, ku nafta e benzina shiten afër 1.8 dhe 1.85 euro/litri, nga 1.1 euro në Kosovë. Konfindustria vlerëson, se çmimet e larta të karburanteve në vend po dëmtojnë qytetarët dhe bizneset që po përballen me kosto të larta.

Deklarata e plotë

Konfindustria vlerëson se forcimi në nivele historike i Lek-ut ndaj Dollarit dhe Euro-s nuk po ndikon në uljen e çmimeve të karburanteve në vend. Tregu i karburanteve në Shqipëri, i organizuar në formën e kartelit dhe oligopolit si edhe mosveprimi i institucioneve rregullatore, nuk e përcjell forcimin e Lek-ut në uljen e çmimeve fundore për qytetarët dhe bizneset.

Fuqizimi i Lek-ut ka arritur në muajin prill dhe maj 2024 nivele të krahasueshme me periudhën e kulmit të sezonit turistik 2023. Ndërkohë, Shqipëria vazhdon të ketë çmime të tepër të larta të karburanteve në krahasim me shtetet e tjera të rajonit si Kosova dhe Maqedonia. Duke barazvlerësuar dhe ngarkesën fiskale përkatëse, çmimet e karburanteve në Shqipëri në muajin prill dhe javën e parë të majit 2024 janë të paktën 25-30 lek më të shtrenjta sesa në Kosovë dhe Maqedoninë e Veriut.

P.sh produkti naftë në Kosovë në shitjet me pakicë në javën e parë të majit 2024 tregëtohej në kufijtë e 1,16-1,18 euro/litër, ndërkohë në tregun e Shqipërisë ishte 180 -185 lekë/litër ose afërsisht 1,8-1,85 euro/litër me kursin e sotëm valutor. Përmendim, se shtetet në fjalë kanë kosto shtesë krahësimisht Shqipërisë në tregun e karburanteve.

Konfindustria vlerëson, se çmimet e larta të karburanteve në Shqipëri përcillen si inflacion i drejtpërdrejtë te qytetarët, rritjen e kostove të bizneseve prodhuese dhe uljen e fuqisë konkurruese përballë importeve me pasja tepër të rënda në afatgjatë për ekonominë kombëtare. Përveç çmimeve të larta tregu i karburanteve paraqet shqetësime serioze edhe përsa i përket cilësisë së dobët dhe vjedhjeve në volumet e shitjes me pakicë për qytetarët dhe bizneset.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Presidenti Biden tërhiqet nga gara: Çfarë ndodh tani?

Presidenti Biden tërhiqet nga gara: Çfarë ndodh tani?