Zhvlerësohet monedha evropiane ndaj lekut! BSH: 1 euro sot po këmbehet me 121.17 lekë, niveli më i ulët që prej gushtit

Zhvlerësohet monedha evropiane ndaj lekut! BSH: 1 euro sot po këmbehet me 121.17 lekë, niveli më i ulët që prej gushtit

Monedha Evropiane sot ka rënë në nivelin më të ulët të regjistruar këtë vit. Sipas të dhënave të Bankës së Shqipërisë një euro sot është këmbyer me 121.17 lekë, që është vlera më e ulët që prej 11 gushtit të këtij viti kur euro u këmbye me 121.18 lekësh. Konkretisht qytetarët po e shesin euron me 120.87 lekë dhe e blejnë nga tregtarët me 121.50 lekë.

Rënia është më e lartë nëse e krahasojmë me të njëjtën datë të vitit të kaluar kur euro këmbehej në tregun tonë me 123.81 lekë.

Shkaqet sezonale janë faktorët kryesor që kanë ndikuar në treg sipas shpjegimit të ekspertëve, pasi prurjet valutore nga emigrantët për festat e nëntorit dhe për festat e fundvitit janë në nivel më të lartë.

Ky nivel i ulët i këmbimit të euros pritet të jetë konstant deri në fund të vitit, pasi dhjetori mbetet periudha kur prurjet valutore nga jashtë nga emigrantët për të afërmit e tyre janë të larta, ndikuar edhe nga krishtlindjet.

Për periudhën në vijim, ndikim në mbiçmimin e lekut do të japë edhe emetimi i eurobondit në vlerën e 650 milionë eurove në fund të nëntorit. Hedhja e sasive të konsiderueshme në treg të përfituara nga eurobondi do të rrisnin edhe më shumë ofertën për euro në treg, dhe për pasojë monedha evropiane mund të zhvlerësohet më tej.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • A. N.: 01/12/2021 19:49

    Normal qe zhvleftesohet nga gjithe thaset me euro qe futen cdo dite nga jashte nga shitja e droges dhe kanabisit.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet