TIRANE- Kreu i Bindjes Demokratike, Astrit Patozi, ish-gazetar ishte sot në studion e Repolitix me gazetarin Denis Minga për të folur lidhur me ndryshimet në paketën anti-shpifje. Patozi tha se ligji i ri nuk mund të trembë asnjë gazetar, por vetëm rrit përgjegjësinë ndaj publikut, pasi tashmë ai kushdo që shkruan mban përgjegjësi. Për Patozin dëmet më të mëdha në shtypin shqiptar nuk janë shkaktuar nga presioni por nga blerja dhe kapja e gazetarëve.
"Lajmi i mirë është që çfarë do që të ndodhë me ligjin, nuk do ketë gazetar të trembur nga ligji. Kjo e rrit përgjegjësinë ndaj publikut. Ai që shkruan duhet të mbajë përgjegjësi për atë që thotë. Nuk ka të vërteta që nuk thuhen. Sot që po flasim nuk mund të ketë një gjë që mbahet e fshehur. Dëmet më të të mëdhaja shtypit shqiptar nuk i janë shkaktuar nga presioni, por nga blerja dhe kapja", u shpreh Patozi.
Patozi tha se brenda këtij sesion parlamentar duhet të ishte miratuar edhe Reforma Zgjedhore, ndërsa e quajti 'Anti-shpifjen' një ligj me të cilin për përpiqet të largohet vëmendja.
"Nesër presepuzohet të jetë seanca e fundit. Një ndër kushtet e Bundestagut ishte që brenda këtij sesion të miratohej reforma zgjedhore, por po të pyesësh Edi Ramën do thotë na gjeti ky tërmet. Ky është një ligj që është nisur për të shpërqendruar vëmendjen e publikut dhe nga nevoja që ka ky vend për ndryshim", deklaroi Patozi.