Një autoambulancë ka përplasur një grua këmbësore, e cila ka ndërruar jetë.
Aksidenti ka ndodhur në Unazë, pranë ish-restorant 'Durrësi'.
Sipas dëshmitarëve, gruaja pas aksidentit kishte marrë plagë në të gjithë trupin dhe dëmtime të shumta në fytyrë. Fatkeqësisht, gruaja nuk i ka mbijetuar plagëve të marra.
Identiteti i saj ende nuk bëhet me dije, ndërsa policia ndodhet në vendngjarje për të zbuluar shkaqet e këtij aksidenti.