Zhv.kryeministri Erion Braçe në një intervistë të dhënë në Report Tv ka folur për situatën e përmbytjeve në vendin tonë si pasojë e reshjeve të shumta.
Braçe tha se këtë vit ka rënë 2 herë më shumë shi se në 2010 por situata në zonat e përmbytura sipas tij nuk krahasohet me atëherë. Për të demonstruar këtë ai ka nxjeërrë hartën duke bërë krahasimin e reshjeve që kanë rënë atëherë me sot.
"Me thënë të drejtën s'kam paur kohë të merrem meudhëzimet e Bashës duke e njohur atë e kam shumë të qartë çfarë udhëzimesh mund të japë dhe prodhojë. Kam qenë shumë i zënë me situatën në të cilën jemi. E mora me vete se e dija se është një çështje shumë sensitive. Më intereson të kuptojëm problemin që kemi dhe me ndryshimet klimatike. Këtu tregohet sasia e reshjeve të rëna në janar të këtij viti.
Janari i vitit 2010 ku ndodhi qameti. Pati zona nën përmbytje dhe poshtë. 400 e 8 pikë 6 milimetra shi ka rënë deri në datë 25 deri në territorin e vendit, pra 2 herë më tepër se në 2010. Shikoni se çfarë reshjesh kanë rënë. Situata në zonat e përmbytura skrahasohet me vitin 2010. Vazhdojmë të jemi në një situatë emergjente, pavarësisht investimeve që janë kryer, jo vetëm në kanale të ujërave të larta duhet të jemi më të qartë duke reaguar ndaj reshjeve që bien në mënyrë të vazhdueshme duhet të fillojmë të përballemi me një situatë akoma dhe më të vështirë. Duhet të jetë thelbi i çdo angazhimi elektoral për të nesërmen. Shtohen ditët me reshje me temperatura nën 0", tha Braçe.