Agjentët e Guardia di Finanza në Savona kanë arrestuar ditën e sotme tre gra italiane, punonjëse sociale dhe shëndetësore në Varazze, për keqtrajtim dhe dhunë ndaj pacientëve. Hetimet përfunduan falë kamerave të fshehura në disa dhoma që lejonin të regjistroheshin veprat penale të kryera nga gratë. Ato kanë dhunuar pacientët në forma të ndryshme, i kanë goditur me shuplaka, fyerje, kërcënime dhe mallkime, të cilat shoqëroheshin me ulërime dhimbjeje, lot dhe lutje nga viktimat. Të moshuarit e pafuqishëm u kërcënuan gjithashtu se do të mbeteshin pa ushqim, madje edhe se do të lidheshin në shtrat ose do të rriheshin, vetëm për shkak se kishin kërkuar ndihmën e operatorëve. Pamjet u bënë publike pas skandalit të djeshëm në Britaninë e Madhe ku një punonjëse e kujdesit shëndetësor abuzonte me një pensioniste. Pamjet janë bërë publike pasi, punonjësja në fjalë u dënua me vendim të formës së prerë me 6 muaj burg.