Digjen goma në Lushnje, retë e zeza të tymit mbulojnë zonën

18 Korrik 2019, 21:48

Një zjarr masiv është aktivizuar në aksin Kavajë-Lushnje. Zjarri u është vendosur disa gomave në afërsi të autostradës ku si pasojë është ngritur një re e madhe tymi.

Djegia e gomave çliron shumë lëndë të dëmshme për trupin e njeriut dhe zona ku është aktivizuar zjarri është e populluar dhe kthehet në një rrezik për banorët.

Zjarri dyshohet të jetë vënë qëllimisht ndërsa nuk ka ndërhyrje për ta shuar. Djegia e gomave është kthyer në një fenomen shqetësues në Shqipëri për Ditën e Verës por sot nuk përkon asnjë ditë feste pagane dhe nuk dihet arsyeja se pse u është vënë zjarri gomave.