Dy goditje kambane thyen heshtjen që rrethonte Danubin, jo gjithmonë aq blu sa Strauss-i e përshkroi në muzikë.
Kështu nisi ceremonia në përkujtim të 35 të mbyturve rreth 40 ditë më parë, kur anija Marmeid u përplas me anijen Viking.
Budapesti nderoi viktimat përmes një rituali të lashtë varrimi të marrinës detare.
Hiri i eshtrave të njërit prej dy anëtarëve të ekuipazhit, u lëshua në ujërat e Danubit, bashkë me kurora lulesh të familjarëve dhe të shtënave të armëve.
"Varrimi i marinarëve është një traditë e lashtë - thotë zëdhënësi i “Panorama Deck”, marinarët zakonisht varrosen në ujë, aty ku kanë kaluar shumicën e kohës”
Procesioni i 15 anijeve, të cilat morën pjesë në ceremoni, pastaj lëvizi drejt urës Margaret, aty ku dhe ndodhi tragjedia.
Mjaftë njerëz ishin mbledhur në brigjet e Danubit për ti dhënë përshëndetjen e fundit viktimave.
Në Budapest, tragjedia e Marmeid është më e rënda që nga Lufta e Dytë Botërore.