Në Kamëz janë vënë në pranga dy punonjësit e Inspektoratit vendor të Mbrojtjes së Territorit pas hetimeve të SPAK. Janë arrestuar Kryeinspektori Dritan Nikolli, 47 vjeç, dhe inspektori Ermal Baci, 36 vjeç.
Policia e Tiranës njofton se operacioni është kryer nga Seksioni për Hetimin e Korrupsionit në Drejtorinë Vendore të Policisë Tiranë, nën drejtimin e Prokurorisë së Posaçme Kundër Korrupsionit dhe Krimit të Organizuar Tiranë.