Lajme të këqija për kombëtaren shqiptare në prag të sfidave javën e ardhshme përballë Moldavisë dhe Turqisë. Pikërisht kapiteni Elseid Hysaj ka lënë fushën i dëmtuar në Itali, në sfidën Torino- Napoli. Shkodrani kërkoi të fitonte një duel ajror përballë Ansaldit të Torinos, por përfundoi kokëposhtë me gjithë peshën e tij dhe pse argjentinasi kërkoi ta ndihmojë. Hysaj ka dëmtuar qafën dhe stafi mjekësor i napolitanëve kanë vendosur ta nxjerrin lojtarin menjëherë nga fusha me barelë.
Nuk dihet ende gjendja shëndetësore e Hysajt por fakti që ai doli me barelë përballë Torinos, do të thotë që ai nuk mund të ecte as për të lënë fushën. Duket se trajneri Edy Reja duhet t'i bëjë llogaritë pa Hysajn i cili ndeshjen e fundit ndaj Islandës zhvilloi një performancë të shkëlqyer, duke shënuar dhe golin e parë me fanellën kuqezi të Shqipërisë.