Makarona me qofte të vogla në tigan

Përbërësit:

• 250 gr mish i grirë
• 1 lugë çaji piper i zi
• 1 lugë çaji kumin
• 1 lugë çaji sodë buke
• 1 lugë çaji kripë
• 1 lugë çaji spec i kuq pluhur
• ½ lugë çaji hudhër pluhur
• 2 feta bukë e ndenjur
• 1 kokërr vezë
• 2 lugë vaj ulliri
• 1 lugë gjelle salcë koncentrat
• 1 filxhan çaji salcë domate
• 250–300 gr makarona të vogla
• Djathë kaçkavall i grirë
• Kripë, piper i zi, kumin
• Majdanoz i grirë hollë

Përgatitja:

Përziejmë mishin e grirë me piperin, kuminin, sodën e bukës, kripën, specin e kuq, hudhrën pluhur, bukën e lagur dhe vezën. Formojmë qofte shumë të vogla. Në një tigan të gjerë ngrohim pak vaj ulliri dhe skuqim lehtë qoftet derisa të marrin ngjyrë. Shtojmë salcën e domates pelte (ose domate të grira) dhe e kaurdisim për 1–2 minuta. Hedhim salcën koncentrat, rregullojmë shijen me kripë, piper, kumin dhe spec të kuq. Shtojmë makaronat e thata dhe ujë të nxehtë derisa t'i mbulojë. Kur të marrë valë, ulim zjarrin, e mbulojmë me kapak dhe e gatuajmë derisa makaronat të zbuten dhe të thithin lëngun (rreth 12–15 minuta). Në fund e spërkatim me djathë kaçkavall të grirë dhe majdanoz të freskët.