Komplikohet sërish situata shëndetësore e kancelares gjermane Angela Merkel. Pas të dridhurave që e pushtuan gjatë takimit me presidentin e Ukrainës në Berlin vetëm dhjetë ditë më parë, rikthehet sërish e njëjta situatë.
Ajo është prekur sërisht nga të dridhurat në mënyrë të pavullnetshmë për të dytën herë duke bërë që të ngrihen shqetësime për shëndetin e 64-vjeçares.
Gjatë takimit me presidentin Frank-walter Steinmeier në Berlin, Merkel nuk ia doli dot të kishte kontroll mbi trupin e saj. Ajo ka bashkuar duart dhe përpiqet të mos dridhet, ndonëse pa rezultat.
Gjithashtu i kanë ofruar dhe një gotë me ujë duke bërë që ajo të ndjehet pak më mirë. Mjeku i Merkel raportoi pas herës së parë që qarkulluan videot në rrjet, se kjo situatë ishte për shkak të dehidratimit.
Sipas raportimeve në gjermani gruaja më e fuqishme në botë është parë të dridhet edhe më parë, veçanërisht në ditët me diell.
Në vitin 2014 ajo e shtyu një intervistë televizive në minutat e fundit për shkak të gjendjes së saj të dobët.