Mezini i xhamisë së Klosit për Report Tv: Rudolf Nikollaj ishte djalë shumë i mirë, nuk vinte më për shkak të sëmundjes

19 Prill 2021, 19:38

Ahmet Kulla, mezini i xhamisë së Klosit është shprehur se Rudolf Nikollaj ka frekuentuar vazhdimisht xhaminë në Klos, por që prej disa kohësh nuk kishte shkuar më për shkak të sëmundjes. Ai e përshkruan si një djalë të mirë.

“Ai ka qenë frekuentues i rregull i xhamisë, ka qenë i sjellshëm, i urtë dhe i edukuar, por kishte shfaqur shenja depresioni. Është shumë djalë i mirë, nuk mund të them një fjalë të keqe për të, e frekuentonte vazhdimisht xhaminë, dhe nuk mund të them një fjalë të keqe, veprimin mund ta ketë bërë nga depresioni, probleme shëndetësore ka shfaqur, u shkëput nga xhamia nga problemet që ka pasur. Në xhaminë tonë nuk ka ndodhur asnjë problem, më vjen shumë keq për të, ka qenë tepër i rregullt”, ka treguar ai për Report TV.