Mjekja e Spitalit të Traumës flet për gjendjen shëndetësore të 16-vjeçares të mbijetuar nga tragjedia në Bulqizë

14 Shkurt 2020, 17:42

Merita Tola është 16-vjeçarja që i mbijetoi tragjedisë në Ostrimë të Madhe të Bulqizës. Ajo ndodhet në spitalin e Traumës dhe sipas mjekëve në Urgjencën e Spitalit të Traumës, gjendja e saj shëndetësore është e stabilizuar.

"Aktualisht gjendja e pacientes paraqitet e stabilizuar, janë bërë ekzaminimet, eko, skaner, janë bërë ekzaminimet edhe me neurokirugun dhe gjendja është e stabilizuar. Pacientja është në observimin e urgjencës. Për momentin do të qëndrojë këtu dhe për disa orë do të qëndrojë këtu. Nga ekzaminimet rezulton që parametrat janë në normë", tha mjekja e urgjencës në spitalin e Traumës në një prononcim në Report Tv përballë gazetares Xhensila Kodra.