Gjurmët e “Qytetit kopsht”, konceptuar në planin rregullues të Tiranës në vitin 1936 dita-ditës po veniten. Një nga vilat historike te rruga e “Elbasanit”, e cila ka qenë pjesë e këtij koncepti nuk është më. Brenda dy ditësh u shemb. Sot gjenden vetëm rrënojat e godinës 80-vjeçare. Në vend të saj do të ndërtohet një pallat dhjetëkatësh.
Por kujt i përkiste fillimisht Vila 11?
Fillimisht ka qenë konceptuar si vilë e motrave të Zogut, ndërsa më pas ka qenë nën zotërimin e privatit. Vila historike 11 ka qenë në listën e monumenteve të kategorisë së II, gjë që për 80 vite nuk është tjetërsuar origjina e saj. Ndërsa, kët ë periudhë statusi i është hequr. Instituti i Monumenteve të Kulturës nuk ka bërë asnjë deklarim për këtë. Por fatin e kësaj vile do ta kenë edhe të tjera vila në kryeqytet.
Gjurmët e kësaj godine historike tashmë janë vetëm në librin studimor të arkitektes Vera Bushati, “Vilat e Tiranës”. Brezat që do të vijnë nuk do të kenë asnjë informacion më shumë, por mesa duket historia po krijohet nga e para.