Patate krokante me salcë djathi

Përbërësit:

• 600 gr patate të vogla
• 60 ml vaj ulliri
• 1 lugë gjelle gjalpë
• ¾ lugë çaji kripë
• ½ lugë çaji piper i zi
• 1 lugë çaji paprika e tymosur
• ½ lugë çaji spec djegës
• 1 lugë çaji trumzë
• 1 lugë çaji rozmarinë
• 1–2 lugë gjelle kopër
• 1 lugë gjelle majdanoz

Për salcën e djathit:

• 200 gr djathë i bardhë
• 120 gr kos grek
• 1–2 lugë gjelle vaj ulliri
• 1 lugë gjelle kopër e grirë
• 1–2 lugë gjelle lëng limoni
• Piper i zi
• Pak vaj ulliri

Përgatitja:

Thërrmojmë djathin e bardhë në një tas. Shtojmë kosin, vajin e ullirit, koprën, piperin dhe lëngun e limonit. E përziejmë derisa të bëhet një salcë kremoze dhe e vendosim në frigorifer derisa të përgatiten patatet. Vendosim patatet në një tigan të gjerë dhe i mbulojmë me ujë. Vendosim kapakun dhe i lëmë të ziejnë në zjarr mesatar derisa uji të avullojë plotësisht dhe patatet të zbuten (18–20 minuta). Shtojmë vajin e ullirit dhe gjalpin në të njëjtin tigan. Skuqim patatet duke i kthyer herë pas here derisa të marrin ngjyrë të artë dhe të bëhen krokante. Shtojmë paprikën e tymosur, kripën dhe piperin. I përziejmë për 1 minutë. Në fund shtojmë koprën, majdanozin, trumzën dhe rozmarinën. I servirim patatet mbi salcën e djathit të hapur në një pjatancë duke i spërkatur me pak vaj ulliri dhe kopër të freskët.