Preformancë me një kitare në mbrëmje në Tiranë / Artistët që zgjedhin për skenë rrugën

14 Nëntor 2018, 10:27

Mbrëmjeve vonë, gjatë një shëtitje rreth kryeqytetit, lehtas gjejmë të talentuar që shfaqin pasionet e tyre për publikun e gjerë. Disa e quajnë madje si një shfaqje falas. Vitet e fundit artistët e rrugës janë mirëpritur edhe në vendin tonë. Në zemër të Tiranës, atje ku gjendet edhe shtëpia e artit, teatri kombëtar i operas dhe baletit, takojmë Xhuljo Imerin, një i ri i cili i është përkushtuar muzikës dhe prej muajsh ka fituar zemrat e dhjetra njerëzve të cilët vijnë ta dëgjojnë me kërshëri.