Protesta e Unazës së Re/ Policia ndalon tre persona, në kërkim 4 të tjerë

10 Tetor, 09:33

Policia e Shtetit ka ndaluar dy protestues të Unazë së Re të cilët prej muajsh kanë bllokuar qarkullimin në shenjë proteste kundër zgjerimit të rrugës që prek banesat e tyre.

Të shoqëruarit janë Ilir Katiraj dhe Gramoz Shehu. Po ashtu burime për Report Tv bëjnë me dije se janë shpallur në kërkim edhe 4 persona të tjerë. Ilir Katiraj është shoqëruar edhe herë të tjera nga policia ku në një rast qëlloi edhe me këpucë ndaj kryeministri Rama.

Shoqërimi i këtyre personave ka ardhur për shkak të bllokimit të rrugës tek Unaza e Re pranë zonës së Astirit, më datë 7 tetor, një ditë para se të miratoheshin ndryshimet në kodin penal.

Kodi Penal i Ndryshuar parashikon se kush bllokon rrugën nga 8 tetori dënohet me burg.

Në lidhje me këto shoqërime ka reaguar edhe Partia Demokratike ku ka thënë se mes të shoqëruarëve është edhe Skender Doda.

"Banoret e Unazes se Re njoftuan se jane shoqeruar ne polici disa nga zerat kryesore te protestes. Edhe ne keto momente policia eshte atje, ndersa grate po mblidhen tek vendi i protestes." shkruan ndër të tjera Partia Demokratike.

Kategori të tjera